Некои трудници мислат дека имаат мачнини цела вечност. Само без паника! Уште малку и телото ќе се навикне на хормоните и ќе се чувствувате подобро. И заморот и главоболката со време (се надеваме што побрзо) ќе се изгубат. Ако мачнината е толку силна што во себе не можете да задржите ниту храна, ниту течност, одете на доктор. Во ретки случаи се препишуваат лекови или чепчиња против повраќање, но сите избегнуваат земање на лекови кои не се неопходни за трудницата.

Долниот дел на стомакот веќе се заоблува. За стомакот во мала мера е виновна матката која расте, а повеќе се приметува поради надуеност во цревата. Носете комотна облека и размислете како ќе им соопштите на семејството и пријателите дека сте бремени. Можеби на памет ќе ви дојде и некоја креативна идеја.

Струкот го напушта вашето тело! Во никој случај немојте да носите облека која не е комотна. Купете удобна, но сепак убава облека според ваш вкус. За среќа сега има преубави труднички облеки. Ако случајно во продавниците не најдете убава облека за себе, тука сеуште се кројачите. Доколку се облечете по свој вкус, веднаш ќе се чувствувате подобро!

>>  Плод во 10. недела
>>  Тато во 10. недела