/11 /11

Семејството е многу повеќе од заеднички ручеци и празници. Семејството влијае одлично на менталното и психичкото здравје и тоа на многу начини.

Семејството е многу важно за растот и развојот на децата, вклучувајќи во животниот елан и брзината со која учат, вели Др. Бен Сигел, педијатар од Бостон. Децата кои се поврзани со членовите во семејството многу помалку ќе западнат во лошо друштво и во далеку помал процент ќе се оддадат на дрогата, ќе бидат подобри ученици, па дури и подобри возачи. Но најважно од се е што цврстите семејни врски ќе им помогнат на младите подобро да ги надминат стресните ситуации и полесно да ги пребродат тешките моменти.

Значи, ако сте добиле отказно решение од работа, или лечите скршено срце, а сеуште добро се држите, заблагодарете му се на Вашето семејство.

Еве уште неколку причини зошто семејството Ве прави поздрави и посреќни:

Заедничките оброци не прават поздрави

Една статија во магазинот Pediatrics открива дека децата и тинејџерите кои најмалку три пати неделно ручаат заедно со семејството, помалку ќе бидат склони на дебелеење, ќе јадат поздрава храна и ќе имаат помал ризик да развијат пореметувања во исхраната. Освен тоа, едно истражување на Харвард покажало дека во времето поминато на заедничкиот ручек, кај децата најмногу се развиваат говорните вештини.

Сестрите не прават посреќни

Лицата кои имаат сестри имаат поголема шанса да бидат посреќни, помалку се подложни на стрес, по оптимистички гледаат на животот, подобро се справуваат со проблемите. Научниците претпоставуваат дека тоа е така бидејќи сестрите поттикнуваат отворена комуникација и кохезија во семејството.

Вклучени татковци – подобри резултати на училиште

Децата, чии татковци активно учествуваат во нивното воспитување и образование, имаат подобри резултати во училиште, подобро поднесуваат стрес и имаат поголема самоконтрола. Од друга страна, децата кои немаат добар однос со татковците имаат поголеми шанси да го напуштат училиштето, бидејќи имаат проблеми во тек на учењето.

Луѓето во среќни семејства побрзо оздравуваат

Паровите кои живеат во брачна хармонија побрзо оздравуваат. Паровите кои се несреќни во бракот ќе се излечат 40 пати побавно од оние кои се во добри односи.

Татковството го намалува нивото на тестостерон

Откако ќе станат татковци, кај мажите драматично опаѓа нивото на тестостерон. Поголемо ниво на тестостерон значи и поголема доза на агресивност.

Заради нежноста на мајките имаме подобар имунитет

Според истражувањето на магазинот Molecular Psychiatry, децата кои имаат грижливи мајки, ќе имаат и подобар имунитет во текот на животот. Имено, испитаниците кои имале добар однос со мајките, имале пониско ниво на протеини, кои се поврзуваат со воспалителни процеси.