/11 /11

Откако открил дека бившата девојка во станот му оставила неискористен тест за бременост, овој маж од радозналост одлучил да се тестира. Меѓутоа она што се случило кога тестот го ставил во својата мокрача, не можел да го предвиди ни во најлудите соништа.

Кога индикаторот покажал две цртички, што е ознака за бременост, радозналиот шегаџија го фотографирал тестот па им се пофалил на пријателите дека е “бремен”.

Секако сите добро се насмеале, но еден негов пријател отишол чекор понатаму и на Reddit направил комичен стрип од целата ситуација. Откако  стрипот се проширил на интернет, некои корисници го предупредиле дека резултатот може да укажува на здравствени проблеми.

“Ако тестот на бременост ви е позитивен, тоа може да значи дека имате рак на тестисите. Одете на преглед”, советувал еден коментатор.

Мажот ги сфатил сериозно неговите зборови и отишол на лекарски преглед. Се потврдило дека навистина има рак на десниот тестис.

Иако оваа шега на крај му го спасила животот, лекарите предупредуваат дека ова не е веродостоен начин за откривање рак и дека редовните контроли на уролог се задолжителни.