/11 /11

Важно е да не прескокнувате оброци

Храната е извор на енергија која ни е потребна во текот на денот. Имајте урамнотежени и разновидни оброци и придржувајте се до златното правило: за појадок јадете обилно, за ручек помалку обилно и квалитетно, а за вечера ставете нешто во уста, колку желудниикот да не Ви биде празен.

Не јадете премногу

Тоа е најдобар начин за да имате уредно варење на храната и да спречите таложење на непотребни маснотии. Навикнете се да јадете повеќе пати по помалку.

Јадете бавно

Една од главните причини која доведува до зголемен обем на половината е брзото и недоволно џвакање на храната. Обидете се да јадете што побавно и сигурно ќе забележите разлика. Одвоете доволно време за оброкот и добро изџвакајте ја храната.

Не грицкајте во меѓувреме

Допуштете му на системот за варење да се одмори меѓу оброците. Во текот на денот забрането е грицкање, но ако не можете да се воздржите имајте при рака сушено овошје или јаткасти плодови.

Пешачете

Недоволното движење, долготрајното седење, преголемата количина на маснотии и шеќери во исхраната, се причинители на непотребните залихи. наталожените поткожни маснотии се главен причинител на вишокот на маснотии. Вежбањето и пешачењето се драгоцена помош за цврстина и тонус на стомачните мускули.

Секојдневното пешачење освен што го одржува тонусот и виткоста на нозете, претставув идеално решение против опуштениот стомак. Секој пат кога ќе го вовлечете стомакот ја поттикнувате активноста на стомачните мускули. Искористете ја секоја прилика и пешачете. Ако сте во работните денови пренатрупани со обврски, искористете го викендот за прошетка во природа.