Фото:Canva/Новороденчето не го разбира светот преку зборови, туку преку допир, мирис и глас.

/11 /11

1. Го препознава гласот на мајката

Новороденчето го слушало гласот на мајката уште во утробата, па реагира посмирено кога го слуша познатиот тон. Често се смирува побрзо со мајчиниот глас отколку со било кој друг

Гласот е првата емоционална врска.

2. Чувствува допир и безбедност

Допирот е едно од најразвиените сетила. Преку него ја препознава топлината, реагира на кожа на кожа контакт и се смирува кога е гушнато

Затоа контактот „кожа на кожа“ е толку важен по раѓањето.

3. Има вродени рефлекси

Новороденчето знае да: цица, голта, фаќа со дланката и го врти главчето кон допир таканаречен рефлекс на пребарување.

Овие рефлекси се клучни за преживување.

4. Ги препознава мирисите

Новороденчето најдобро го препознава мирисот на мајката кој му помага да ја најде градата. Овие познати мириси му даваат чувство на сигурност.

5. Разликува светло и темно

Иако видот е сè уште неразвиен гледа најдобро на растојание од 20 до 30 см, препознава лица и контрасти и реагира на силна светлина.

6. Чувствува емоционална состојба

Новороденчето реагира на напнатост или смиреност, чувствува ритам, тон и енергија. Не ги разбира зборовите, но ја чувствува емоцијата.

7. Има сопствен ритам

Иако спие многу новороденчето има моменти на будност, реагира на дневно-ноќниот ритам и постепено учи кога е време за активност, а кога за одмор.

И она што не знае е во ред за новороденчето

Новороденчето не знае да се смири само, не знае да манипулира и не се разгалува со галење и посветена нежност. Сè што му треба е вербален контакт, допир и присутност.

Новороденчето знае да чувствува, да препознава и да се поврзува. Не му треба совршен родител, туку присутен, нежен и трпелив. Со време, токму таа сигурност станува основа за здрав емоционален развој.