/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Стравувањата и митовите прават многу жени да се двоумат да направат нешто што за време на бременоста би ги довело до кулминација
Авторката Лоу Паџет советува - освен ако не сте во ризична бременост, со потенцијал за предвремено породување или некои други компликации, можете слободно да имате секс.

Прочитајте неколку причини зошто треба да бидете сексуално активни и за време на бременоста и да уживате во оргазми:

1. Оргазмите можат да бидат интензивни

„Слушнав многу жени како велат дека би сакале да доживеат повеќе оргазми како што доживеале за време на бременоста“, вели Паџет. Ова се случува затоа што кај бремените жени, во карличниот регион има подобра циркулација, така што се интензивира сексуалната стимулација.

2. Оргазмите го подобруваат расположението

Една студија во списанието „Сексуална медицина“ објави дека околу 40 проценти од жените изјавиле дека нивната желба за секс е зголемена за време на бременоста. Хормоните "дивеат", така што има некои физички и физиолошки промени. Градите се поголеми, а брадавиците се почувствителни. Поради тоа, оргазмот прави да се чувствувате секси и да се грижите помалку за породувањето.

3. Оргазмите го ослободуваат стресот

„Оргазмот го зголемува лачењето на адреналин, кој го ослободува стресот“, вели Ари Браун, педијатар и автор на книгата „Очекување 411". Истражувањата покажуваат дека сексот го намалува крвниот притисок и ризикот од срцев удар. Исто така, уживањето во сексот се релаксира и ви помага да имате подобар квалитет на сон.

4. Сексот ја одржува вашата врска со партнерот „жива“

„Од брачна гледна точка, секогаш е добро да бидете интимно поврзани со вашиот партнер“, истакнува д-р Браун. Истражувањата покажаа дека окситоцинот, кој се ослободува за време на сексот, ја зголемува емоционалната врска и ве тера да имате повеќе разбирање и трпеливост за врската.