/11 /11

Медот како имуностимуланс е незаменлива природна храна. Благодарение на неговиот хемиски состав и односот на витамини, минерали, ферменти и прости шеќери, медот влијае на формирање на сите крвни елемети, како од црвената, така и од белата лоза. Тие имаат заштитна улога и поседуваат способност за уништување на непријателот. Затоа секој ден треба да се започне со лажичка мед.

Медот е богат со јагленохидрати, а најмногу со прости шеќери, глукоза и фруктоза, кои претставуваат енергетски материјал. Содржи бројни ензими, скоро сите витамини и минерали, етерични масла и органски киселини, кои благотворно делуваат на органите за варење и ја потпомагаат  апсорпцијата на хранливи материи.

Медот може да им се дава на децата од навршената прва година, а најдобро е да се започне со багремов мед. Медот обезбедува здфравје и виталност, подобар раст и напредок и отпорност на инфекции. За разлика од белиот шеќер, медот не ги оштетува забите, туку го штити калциумот и го спречува кариесот.

Редовната употреба на медот значително го подигнува нивото на антиоксиданси во човековиот организам.

Како да го одберете вистинскиот мед за вас?

Багремов мед

Погоден е за болни со дигестивни пречки и делува смирувачки на цел организам. Можат да го јадат и деца помали од три години.

Ливадски мед

Содржи повеќе етерични масла и посебно им се препорачува на болните од срце, а може да помогне и при респираторни болести.

Липов мед

Има антисептичко дејство и се користи кај грип, бронхитис и други респираторни болести. Најдобро е да се консумира заедно со чај од лековити билки.

Шумски мед

Содржи 13 пати повеќе минерални материи отколку цветните врсти на медот. Посебно е богат со железо, па се препорачува на анемични лица.

4 клучни прашања за медот

1. Кој смее да јаде мед?

Медот како храна може да го користи секој од првата година од животот, под услов да не е алергичен на мед и да не боледува од дијабетес.

1. Кога се консумира?

Медот може да се зема секој ден, половина час пред јадење. Посебно се препорачува во сезоната на настинки и грипови, во комбинација со чај.

1. Како?

Медот секогаш треба да се раствори во вода, чај, млеко или сок. Немојте да го јадете го густа, концентрирана состојба и потоа да се напиете чаша вода. Медот не се јаде, туку се пие. Лажичето со кое го земате треба да биде дрвено или пластично, а никако метално.

1. Зошто?

Затоа што е идеална храна со лековити својства.