/11 /11

Истражувачите од Универзитетот во Небраска набљудувале 200 деца од 5-12 години за време на рутинските клинички посети во педијатриската клиника. Родителите биле прашувани за типот и количината на оброци и пијалоци што ги конзумирале нивните деца секој ден.

Децата помеѓу 8-12 години во просек дневно конзумирале 109 мг. кофеин, еквивалентно на 3 чаши газиран сок, а помалите деца во просек 1 чаша.

Додека кофеинот бил асоциран со проблеми со спиењето, тој не бил поврзан со ноќното мокрење, спротивно на популарното верување дека ако мало дете конзумира кофеин ќе има проблеми со ноќното мокрење, бидејќи кофеинот е диуретик.

Родителите треба да бидат свесни за потенцијалното негативно влијание на кофеинот врз сонот на детето и неговото дневно функционирање. Педијатрите треба да ги едуцираат родителите за штетните ефекти на кофеинот како и да ги прашаат за дневната количина на кофеин која ја внесува нивното дете.