Пар

/11 /11

Еве кои се најчестите летни грешки во сексот и како да ги избегнете:

1. Игнорирање на хидратацијата

Високите температури и зголеменото потење можат лесно да доведат до дехидрација, што пак влијае на желбата и изведбата на интимните односи. Кожата станува деходрирана, слузниците се исушуваат, па интимниот контакт може да стане непријатен, па  дури болен.

Совет: Пијте многу вода, користете природни лубриканти на база на вода и избегнувајте средства со парабени и силикони кои дополнително доведуваат до сувост.

2. Секс на јавни места без соодветна хигиена

Плажите, базените и природата се романтични, но можат да бидат полни со бактерии и нечистотии кои предизвикуваат инфекции.

Совет: Ако не е можна добра хигиена пред и после интимниот контакт, подобро избегнувајте ризични места од овој тип.

3. Недоволна заштита од сонце и инсекти

Летото значи и поголема изложеност на сонце и комарци, и други инсекти што може да доведе до изгореници, алергии или непријатни убоди кои ја влијаат воопшто на човечкиот организам, па и на интимноста.

Совет: Користете заштитна крема (освен на интимните делови) и инсект-репеленти со природен состав.

4. Игнорирање на безбедноста при секс на плажа или во вода

Сексот во море, базен, езеро или река може да изгледа возбудливо, но водата не е стерилна. Исто така, влажната средина може да ја намали ефективноста на кондомите, што доведува до ризик од инфекции или несакана бременост.

Совет: Користете кондоми дизајнирани за водени услови и по можност одберете интимни моменти надвор од вода.

5. Прекумерна доверба во „летната љубов“

Летните романси и кратки љубовни авантури се чести и возбудливи, но понекогаш луѓето забораваат на важноста на здравјето и емоционалната безбедност.

Совет: Не заборавајте на редовни прегледи, отворената комуникација и користењето на заштита без разлика колку кратко трае врската.

6. Недоволна комуникација за желби и поставување граници

Под ефектот на топлото време, забавата и освежителните алкохолни пијалоци, често се прескокнува разговорот за тоа што навистина сакате и што прави да се чувствувате удобно.

Совет: И покрај релаксираната атмосфера, одвојте време за отворен разговор. Тоа е најсилниот афродизијак.

Летото е време на страсти, но и на внимание. Дозволете си да уживате без грижи, и запомнете: најубавиот секс е оној во кој се чувствувате безбедно и сакано.