/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Епидуралната анестезија е метода за олеснување на болките при породување. Постапката се изведува на начин што во епидуралниот простор, меѓу 4 и 5 лумбален пршлен, со помош на игла се вбризгува анестетик во комбинација со лекови. Исто така, постапката може да се изведе со помош на тенок катетер, кој се поставува во епидуралниот простор, при што лекот се дава во неколку дози или континуирано.

Епидуралната анестезија може да се користи за ублажување на болките во првата и втората фаза на породувањето.

Анестезијата почнува да делува по 20 минути од вбризгувањето на лекот, а пациентката чувствува дека контракциите стануваат помалку болни и го губи чувството во долниот дел на телото. Може да почувствува дека нозете и стануваат топли и тешки. Лекот ги блокира корените на нервите и потполно ја блокира болката. Анестезијата престанува да делува по неколку часа.

Многу трудници размислуваат за овој начин на ублажување на болките при породување, но се двоумат заради различните последици за кои слушнале, или заради стравот од самата постапка. Заради тоа, накратко ќе направиме попис на за и против епидурална анестезија.

За:

• Многу ефикасна против болки во тек на породување, царски рез и различни операции.
• Ефикасна против болки при породување во кое се користи форцепс.
• При породување со царски рез и овозможува на мајката да остане будна.
• Ги олеснува долгите и тешки породувања.
• Го намалува крвниот притисок, така што е ефикасна за пациентки кои имаат висок крвен притисок во бременоста.
• Дава можност за потполно емоционално доживување на породувањето, бидејќи ја исклучува болката.
• Се користи како метод на намалување на болките при породување веќе долга низа на години.
• Се користи и за други хируршки интервенции и операции.

Против

• Може да се појават благи до многу тешки главоболки.
• Може да се појави неконтролирано тресење.
• Може да дојде до зуење во ушите.
• Често предизвикува драстичен пад на крвниот притисок.
• Ја зголемува веројатноста од интервенција со вакуум и форцепс.
• Ја зголемува веројатноста од царски рез.
• Може да ги намали контракциите.
• Може да ја зголеми должината на породувањето.
• Понекогаш се потребни неколку обиди за катетерот на се намести на вистинското место.
• Движењето на пациентката е крајно ограничено, бидејќи не може да стане од креветот.
• Може да предизвика промени во отчукувањата на срцето на бебето.
• Може да предизвика долгорочна болка во грбот.
• Може да предизвика мачнина и повраќање.
• Може да предизвика потешкотии во мокрењето.
• Во многу ретки случаи, но кои не смеат да се занемарат, може да предизвика сериозни респираторни проблеми, епидурален апсцес или парализа. Вакви компликации се исклучително ретки, но познати се и такви случаи во медицината.