Бебе

/11 /11

А она најважното прашање што постојано се провлекува е:
„Каде да го оставам бебето безбедно додека ги завршам обврските, а да не се чувствувам виновно?“

Постојат решенија кои нудат безбедност, стимулација и мир на умот. Еве неколку проверени опции, со предности, совети и мерки на претпазливост.

1. Подвижен креветче / кошница за бебе

Ова е една од најбезбедните опции за новороденчиња и мали бебиња (0–6 месеци). Бебето е во хоризонтална положба, а можете лесно да го придвижувате низ домот, да биде со вас додека готвите, перење или работите на лаптоп.

Предности:

• Безбедно и стабилно
• Често има и надстрешница или мрежа против инсекти
• Некои модели имаат и вибрации или музика

Внимавајте:

• Никогаш не го оставајте бебето во креветче поставено на висока површина
• Врзете го ременчето ако го има
• Проверете дали бебето не може да се преврти (посебно по 4тиот месец)

2. Бебешка лежалка (baby bouncer)

Идеална за периодот од 2 до 6 месеци. Лежалката е лесна, удобно подигната и со играчки или музички додатоци кои го ангажираат бебето.

Предности:

• Ангажираност преку светло, звук и движење
• Може да се постави на видно место додека сте зафатени

Совети:

• Никогаш не го оставајте бебето без надзор
• Не ја користете како замена за кревет за спиење
• Ограничете ја употребата на кратки временски периоди

3. Игрална подлога или baby gym

Одлична опција за периодот кога бебето почнува да лежи на стомаче и истражува со раце и очи (3–7 месеци). Играчките висат над него и го поттикнуваат движењето и концентрацијата.

Предности:

• Го поттикнува моторниот и визуелниот развој
• Бебето е безбедно на подот, без ризик од паѓање

Внимавајте:

• Подлогата нека биде на чисто, нелизгаво место
• Не оставајте го бебето без надзор ако има постари деца или миленичиња

4. Бебешки ограден простор (playpen)

Кога бебето веќе се врти, влече и ползи (6+ месеци), playpen или ограден простор е одличен начин да му дадете слобода, а сепак да биде на сигурно.

Предности:

• Безбедна зона за движење
• Може да се постави во секоја соба

Внимавајте:

• Редовно проверувајте ја стабилноста и чистотата
• Не оставајте предмети кои може да ги проголта или повлече

5. На под, на душеци или килим, но со надзор

Ако имате безбеден, мек простор на подот, можете да го оставите бебето таму со вас во иста соба. Некои родители поставуваат „бебешки агол“ со перници, меки играчки и ќебенца.

Предности:

• Простор за слободно вртење и игра
• Развива самостојност и движење

Внимавајте:

• Никако не го ставајте блиску до електрични уреди, остри рабови или кабли
• Секогаш да биде во вашето видно поле

Што да избегнувате:

-        Бебето да биде во кауч без надзор

-        Оставање во автомобил или детско седиште дома

-        Да се движите со бебето додека готвите со жешко масло или врела вода

-        Немајте преголема доверба во baby monitor, ниту една технологија не ја заменува човечката будност

Да се биде дома со бебе не значи дека треба да се откажете од сите обврски, туку да ги приспособите. Безбедноста доаѓа пред сè, но и бебето добива бенефит од тоа што ве гледа како се движите, зборувате и се организирате. Тоа е исто така учење.

Со соодветна подготовка, може да имате и продуктивен ден и среќно бебе. А не заборавајте, најдобро е кога ќе се вратите кај него и заедно ќе си дадете пауза.