/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Иако вам ви изгледа дека вашето дете потполно го „надгледува“ својот велосипед и случувањата во околината, не заборавајте дека децата до шестата година сеуште не се доволно зрели за да може да ги пуштите сами со велосипед на патот.

Потполно предадени на возењето и играта, децата ниту ги гледаат и ниту ги слушаат автомобилите и другите возачи кои се движат кон нив.  Освен тоа, сеуште имаат проблеми со рамнотежата и употребата на кочниците. Затоа не треба да ги испуштате од вид и предупредувајте ги на случувањата во сообраќајот. Со шест години детето веќе почнува да ги разбира правилата во сообраќајот. Ќе го научите да вози безбедно доколку му објасните колку е важно да ја намали брзината кога му се приближува автомобил, каде воопшто смее, а каде не смее да вози со велосипедот (избегнувајте сообраќајни патишта). Пред се вие морате да му послужите како пример на своето дете - со своето внимателно возење и редовно носење на кацигата која често спречува тешки повреди на главата.

Затоа мора при купување на кациги да внимавате на тоа дали одговара на детската глава и дали е тестирана. Детето треба  кацигата да ја носи поместена напред на челото – работ на кацигата нека биде околу 1 см над веѓите. При носењето на кацига мора да бидете доследни. Детското приговарање за топлината под „тврдата капа“ не смее да ви попречи во вашата доследност, па дури и да се работи за неколку метри на возење.