/11 /11

Пред околу месец дена сите медиуми беа преплавени со објави од хакерската група „Анонимуси“, кои се заканија дека ќе го запрат интернетот на 31 Март, оваа година.

Како што информира Times.am „Анонимуси“ испратиле изјава во која известуваат дека планираат да нападнат 13 DNS-и кои ќе им обезбедат адресите како google.co.uk да ги трансферираат во IP адреси кои ги хостираат овие веб сајтови.

Според дадената изјава од хакерската група, оваа акција има за цел да испрати протест против законите СОПА, АКТА и ПИПА – закони за цензурирање на интернетот, со големи казни за споделување на информација заштитена од авторски права. Дел од обраќањето во изјавата е кон оние кои ги донесуваат законите и имаат влијание врз истите и гласи: “Наши неодговорни лидери и омилени банкари, кои го изгладнувате светот за своите себични потреби, на 31 Март, анонимуси ќе го запрат интернетот“.

Анонимуси притоа не најавуваат точно колку време интернетот нема да функционира, само дека тоа може да трае неколку часа или да продолжи на неколку дена.

И да напоменеме ова не е потврдена информација и може да е само една голема пред прво-априлска шега. Исто така може да е целосно неточно и да не е поврзано со Анонимуси иако до сега не се објавени никакви негирања на објавените изјави.

Сепак Анонимуси веќе потенцираа дека, треба да имаме на ум тоа што тие го прават е протест и не се обидуваат да го „згаснат“ интернетот, напротив привремено да го запрат работењето онаму каде што најмногу „боли“.