Mother. во 00:54
на тема RE: Шум на срце кај дете
Дебелината кај децата не го добива потребното внимание. Дебелото дете се соочува со многу очигледни недостатоци.
Прекумерната тежина е поврзана со многу здравствени проблеми вклучувајќи дијабетес тип 2, кардиоваскуларни болести, астма, болки во зглобовите, па дури и проблеми со спиењето.
Истражувањата покажале дека децата коишто се клинички дебели имаат поголеми шанси да се соочат со дебелина кога ќе бидат и возрасни. За жал дебелината е поврзана и со прераната смрт, што значи дека дебелите луѓе имаат пократок животен век.
Дебелите деца често се жртви на малтретирање на училиште, а ова искуство може да биде навистина трауматично. Како што растат, негативното искуство од детството може да резултира со ниска самодоверба, па дури и депресија. Во најлоши случаи може да води и до самоубиство.
Постојат многу „нормални нешта“ што родителите секојдневно ги прават, а имаат негативно влијание на тежината и здравјето на децата.
Како родители, вие сте херои во очите на вашите деца. Ова значи дека тие го набљудуваат секое ваше движење. Ако сте родител со прекумерна тежина, му праќате едноставна порака на вашето дете – во ред е да биде дебело. На истиот начин децата се обидуваат да ве копираат. Па ако сте личност која не сака физичка активност и ужива во нездрава храна, вашето дете најверојатно ќе се однесува исто. За жал, овој животен стил често резултира со проблеми со тежината.
Јасно е дека светот во којшто живееме станува сè побрз. Ако не сте внимателни лесно можете да ги сметате активностите како готвењето за трошење време. Веројатно повеќе сакате да порачате пица отколку да потрошите еден час подготвувајќи вечера. Но, речиси секоја брза храна е нездрава. Ако ги одгледувате децата со пица, помфрит и сладолед едно нешто е сигурно – тие ќе имаат проблеми со тежината.
Ако ги охрабрувате децата да гледаат телевизија и да играат видео игри бидејќи сте премногу зафатени да им обрнете внимание, голема е веројатноста да развијат проблеми со тежината. Гледањето телевизија е лошо од неколку причини. Тоа охрабрува седечки животен стил што директно го намалува времето поминато во физичка активност. Покрај тоа прекумерното гледање често завршува со неконтролирано јадење. Неодамнешно истражување покажало дека седечкиот животен стил и јадењето пред телевизор имаат големо влијание на телесната тежина.
Ако му ветите на детето дека ќе му дадете сладолед ако го изеде зеленчукот детето почнува да верува дека сладоледот е одличен а зеленчукот е обврска. На овој начин се зголемува љубовта кон брза и нездрава храна што евентуално води до таложење на мастите.
Иако можеби ви е страв да го пуштите детето надвор без да го надгледувате, навистина е лошо да го затворите дома. Ова го охрабрува да биде неактивно, а тоа има влијание на неговата тежина.
Постојат неколку едноставни совети што ќе ви помогнат да го подобрите здравјето на вашето дете.
Ако сакате да им помогнете на децата да водат здрав живот, треба да почнете со вас. Пешачете и земете ги децата. Хранете се здраво и охрабрете ги и тие да го прават истото.
Вие сте она што го јадете, а истото важи и за вашите деца. Здравата исхрана е нешто што не смеете да го избегнете ако сакате вашето дете да има нормална телесна тежина.
Кога станува збор за здравата исхрана, од голема важност е и количината. Децата треба да јадат само колку што се гладни, а не повеќе. Не терајте ги да ја испразнат чинијата бидејќи ова ќе ја зголеми потребата за храна со текот на времето.
Брзата храна е нездрава и потребно е да ја пренесете оваа порака и на вашите деца. Најдобриот начин да почнете е да го исчистите фрижидерот од нездрава храна. Исто така охрабрувајте ги децата да купуваат здрави оброци доколку јадат надвор.
Ако сте навистина загрижени за здравјето на вашите деца, охрабрувајте ги редовно да вежбаат. Ако забележите дека сакаат некој спорт, веднаш запишете ги на часови. Пешачете заедно, трчајте низ домот, давајте им обврски… Правете што било за да ги одржите активни.
Ограничете го времето што вашите деца го минуваат пред телевизор. Најдобро е да не гледаат повеќе од еден час дневно. Истото важи и за видео игрите.
Спиењето помага во слабеењето. Па, направете распоред за спиење и натерајте ги децата да се држат до него. Во главно на децата им се доволно 7 до 8 часа сон секоја вечер.
Ако се потпирате само на вашите очи за да откриете дали вашето дете е дебело, правите грешка. Редовно проверувајте го неговиот индекс на телесна маса. Ова можете да го направите со многу калкулатори што се достапни онлајн, или можете да го замолите вашиот лекар да го следи.
pumpici za izmolzuvanje
Автор: fetusce
pumpici za izmolzuvanje elektricna Lun
moite najmili
Автор: selvi
Продвижение групп ВК
Автор: prodvijenieVK
Привет! Занимаюсь раскруткой групп ВК!!
Онлайн вакансии
Автор: onlinerabota
Бизнес на дому! Проводите время в сети
moite najmili
Автор: jovanja
забава Бремените
Автор: bobik
Курсеви за возрасни од сите области: РУ Пере Тошев
Со мисија да овозможи описменување на целокупното возрасно население, ...
Сакајте го Вашето бремено тело
Вашиот стомак е непобитен доказ дека сте бремена. Еве што може да очек...
Како да негувате бебе родено во зима?
Надвор е ладно и царуваат вируси, а Вашето бебе само што не пристигнал...
10 луди работи што се случуваат во вашето бремено тело
Додека го поминувате својот вообичаен ден, сето ова се случува токму в...
Грижата за забите започнува уште од најрана возраст
Оралното здравје на децата е основен чекор за одржување на целокупното...
Домашна работа.
пеперутка16
Со какви домашни работи најчесто се занимава вашиот сопруг?