Слузокожата на матката станува се подебела и наскоро доаѓа овулацијата - ослободување на зрелата јајце клетка. Некои жени овулацијата ја чувствуваат со малку болни јајници, а некои со прилично осетливи и болни јајници, но сето тоа е како последица на природниот процес. Значи, слузокожата на матката станува се подебела и се подготвува да ја прими оплодената јајце клетка на која за време на целата бременост ќе и биде сигурно и меко засолниште. По правило секој месец созрева по една јајце клетка наизменично, од различен јајник. Ослободената јајце клетка може да се оплоди само во текот на 24 часа, додека животниот век на сперматозоидите е дури 72 часа, па затоа можете да забремените и доколку сте имале полови односи без заштита неколку дена пред овулацијата. Ако не дојде до оплодување, јајце клетката пропаѓа и со следната менструација се исфрла од телото.

Одлуката за здрав живот е донесена претходната недела, а покрај здравата исхрана не смеете да заборавите и на важноста од физичка активност. Сепак во овој чувствителен период не смеете да претерате со екстремни вежби. Убаво е секој ден да си дозволите долга прошетка. На тој начин ќе се наполните со енергија и ќе го одморите телото и духот! Со себе поведете го и идниот татко!

>>  Плод во 2. недела
>>  Тато во 2. недела