Патни информации

Хрватска

Дозволена брзина:

Во населени места за автомобили и моторцикли е 50 км на час;

На автопат е 130 км на час;

На останати патишта од 90 – 110 км на час

Употреба на мобилен телефон за време на возење:

Мобилниот телефон е забранет. Дозволено е употреба на hands – free. Во спротивно ќе платите казна од 500 куни.

Поважни телефони:

Полиција: 92 или 112

Амбуланта: 94 или 112

Пожарна: 93 или 112

HAK (инфо центар): +385 1 464 0800 (потоа бирајте 0)

 HAK (помош на пат): 1987 или +385 1 1987 од мобилен телефон

Дозволено ниво на алкохол:

0,05%

За млади возачи и возачи на возила над 3,5 т и професионалци дозволеното ниво е 0%

Потребни документи:

За влез во Хрватска не е потребна виза.

Сите посетители мораат да имаат документи и билети за крајната дестинација или повратен билет и доволно финансиски средства, како што следува:

- минимум 100 евра на ден  

- минимум 50 евра на ден (ако има официјална покана или туристички ваучер)

Суми над 10.000 евра мораат да се пријават.

За возилото потребни се: зелен картон, меѓународна возачка дозвола и одобрение за управување туѓо возило, доколку возилото не е лична сопственост.

Амбасада на Хрватска во Скопје:

За други информации обратете се во амбасадата на Хрватска во Скопје.

Тел.+389 2 3248-170

Факс: +389 2 3246-004

Е- пошта: croemb.skopje@mvpei.hr

Веб страница: www.mk.mvp.hr/www.mvpei.hr

Безбедносни ремени:

Задолжителни за сите седишта . Во спротивно би платиле казна од 500 куни.

Детски седишта:

Задолжителни за деца до 2 години на предно седиште во соодветни детски седишта според нивната возраст. Деца до 12 години не смеат да се возат напред. Од 2 до 5 години во соодветни безбедносни уреди на задно седиште, а од 5 до 12 години задолжително користење на соодветни ремени на задните седишта.

Средно светло дење:

Задолжително за сите возила од последната недела во октомври до последна недела во март. Во спротивно би платиле казна од 300 куни.

Потребна опрема за во автомобил:

Прва помош сет: задолжително

ПП апарат: само за комерцијални возила

Триаголник: задолжително

За возила со приколка потребни се 2 триаголника

 Рефлектирачки елек: задолжително- стандард EN-471