/11 /11

Истражувања за влијанието на теоброминот на кашлицата

Во истражувањето за влијанието на теоброминот на сува кашлица 300 британци биле лекувани со горчливото соединение, во текот на 14 дена. Дневната доза на која биле изложени пациентите била 1000 мг. Раните резултати покажале олеснување и намалување на кашлицата кај 60% од пациентите. Во друга студија, спроведена од  страна на лондонскиот национален институт за срце и бели дробови, откриено е дека теоброминот го блокира делувањето на сензорите во мозокот кои поттикнуваат кашлање. Блокирањето на сензорните нерви го запира рефлексот на кашлање. Студијата покажала поголема ефикасност на теоброминот во однос на кодеинот, во лечењето на хронична кашлица.

Теобромин од какаото

Теоброминот е горчливо соединение, деривирано од какаото, исто така познат и како ксантеоза. Освен во чоколадото, теоброминот се наоѓа и во други прехранбени производи, кои содржат какао. Количината на теоброминот во какаото во прав варира од 2-10%. Поголеми концентрации има во темните чоколада, отколку во млечните.

Количината на теоброминот во 100 гр. темно, незасладено чоколадо изнесува околу 1600 мг. ,  во 100 гр. темно засладено чоколадо изнесува  500 мг., додека во млечното чоколадо има само 200 мг. теобромин.

Теоброминот се користи во модерната медицина од почетокот на 20 век. Заради диуретичните својства и својствата на вазодилатација или проширување на крвните садови, се користи за снижување на крвниот притисок.

Освен теоброминот, чоколадото е вреден извор на фитохемикалии, антиоксиданси и полифенол, кои имаат низа на поволни дејства на здравјето на човекот. Но сепак, чоколадото не е трајно решение, бидејќи голема е веројатноста кашлицата да продолжи по завршетокот на “чоколадната терапија”.

Ако ве мачи сува, надразнувачка кашлица, неколку редови чоколадо дневно може да ја ублажат. Доколку кашлањето не запира, ви пречи во спиење или извршување на дневните активности, не одложувајте посета на лекар.