Фото:Canva/Безбедност, удобство и практичност, трите клучни работи што не смеете да ги прескокнете.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но „совршената“ количка не мора да е нужно најскапата туку онаа што најдобро одговара на вашиот начин на живот, потребите на бебето и секојдневните рутини.

Безбедноста е на прво место

Најважниот фактор при избор на количка е безбедноста. Експертите препорачуваат модел со стабилна конструкција, сигурни сопирачки и појас со пет точки за врзување, кој го држи бебето безбедно во седиштето.

Проверете дали:

• количката има цврста рамка,
• сопирачките функционираат и лесно се активираат,
• механизмот за отворање и затворање е сигурен,
• материјалите се квалитетни и стабилни.

Исто така, важно е количката да биде соодветна за возраста и тежината на детето. Новороденчињата имаат потреба од лежечка позиција бидејќи ‘рбетот и вратот сè уште не се доволно развиени.

Размислете каде најчесто ќе ја користите

Пред купување, запрашајте се:

• Дали во нега детето ќе го шетате најмногу во град?
• Дали често ќе ја ставате во автомобил?
• Дали ќе ја користите на нерамни патеки и паркови?

За градски услови и често движење, практични се лесни и компактни колички. Ако често шетате по нерамни терени, подобар избор се модели со поголеми тркала и добра амортизација.

Практичност за секој ден

Количката треба да ви го олеснува животот, а не да создава дополнителен стрес. Затоа обрнете внимание на:

• тежината на количката,
• да биде лесна за управување,
• да има еднорачно склопување,
• просторот за складирање,
• да има прилагодлива рачка.

Многу родители дури подоцна сфаќаат колку е важно количката лесно да се собира и да ја собира во багажник.

Комфор за бебето

Бебето поминува многу време во количката, па удобноста е исклучително важна. Добро е моделот да има:

• мека и удобна подлога,
• прилагодлива позиција за спиење,
• добра вентилација,
• голема заштитна тенда.

Експертите предупредуваат дека покривање на количката со ќебе во топло време може да создаде опасно висока температура и слаб проток на воздух. Затоа е подобро количката да има квалитетна UV заштита и добра циркулација на воздух.

Цена vs. квалитет

Скапата количка не секогаш е и најдобра. Наместо брендот, фокусирајте се на:

• безбедноста,
• функционалноста,
• издржливоста,
• практичност за вашите потреби.

Понекогаш едноставен и лесен модел е многу подобар избор од голема и тешка количка со функции што никогаш нема да ги користите.

Најдобро е количката да ја пробате при купувањето. Оттуркајте ја, склопете ја, проверете колку тежи и дали реално можете секојдневно да ја користите без мака. Она што е идеално за едно семејство, не мора да биде најдобар избор за друго.