/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Се јавува меѓу вториот и шестиот месец од животот. На почетокот се забележува на лицето (образите, челото, брадата), некогаш и по вратот и градите, во текот на следните месеци може да се концентрира околу очите, зад ушите, на препоните. По втората година ситуацијата се подобрува и егземата се задржува само на превоите од рацете и нозете.

Површината на кожата, зафатена со дерматитис е црвена, се првути, задебелена е, станува тврда и сува и многу чеша.

Егземата е хронично заболување, кое на периоди потполно ќе се излекува, пред се во лето на море, а ќе се влоши во зима и за време на ветровити денови. Влошувањето ќе се забележи и после инфекција, пред се на респираторните органи.

Што можете да направите?

• Избегнувајте миризливи сапуни кои прават многу пена. Со неутрален шампон мијте го целото тело на бебето.
• Капењето или туширањето не смее да биде подолго од десет минути во вода со температура од 34 – 36° C. По капењето избришете го бебето со нежно тапкање со крпата. Бебето намачкајте го со крем за тело кој ќе Ви го препорача педијатарот.
• Неколку пати на ден мачкајте го телото на бебето со крем, за кожата да му биде секогаш влажна.
• Одржувајте ги ноктињата на бебето секогаш кратки, за да се избегне самоповредување.
• За лечење на црвени, мошне суви делови и оние кои непрестајно чешаат, педијатрите препишуваат крем кој содржи кортизон. Овие кремови најчесто се нанесуваат 2 пати на ден, во временски период од 4-5 дена. Никако немојте да ги земате на своја рака и задолжително консултирајте го лекарот ако третманот не делува на црвените делови. Тоа може да значи дека е присутна секундарна инфекција која не допушта лечење на егземата. Денес на пазарот има многу кремови без кортизон и антибиотици кои можат да се користат неограничено и немаат несакани ефекти.
• Облекувајте му на детето памучна или ленена облека (најдобро е долната облека да биде во бела боја) и отстранете ги етикетите. Облеката не треба да биде тесна, припиена за телото, а во зима треба да се избегнува волница. Кога избирате чевли, дајте им предност на оние изработени од кожа.
• За спиење ставајте постелнина од памук, танки памучни пижами и немојте премногу да го покривате детето, за да не се поти.
• Перете на 60°C  и вклучете долго испирање на алиштата. Не користете биолошки детергенти и омекнувачи.
• Во куќата одржувајте температура меѓу 18-20 °C и влажност на воздухот меѓу 40% и 60%.
• Преземете мерки за заштита од грињи: дете со атопичен дерматит има предиспозиции да развие осетливост на грижи и домашна прашина.
• Избегнувајте присуство на кучиња и мачки во домот.
• Избегнувајте контакт со лица кои имаат херпес, варичела или некоја друга кожна инфекција.

Поголем дел од заболените реагира позитивно на терапијата, меѓутоа треба да се знае дека за оваа болест нема егзактен лек. Целта на лечењето е да се држи ситуацијата под контрола.

Во поголем дел од случаите егземата исчезнува  до крајот на третата или четвртата година од животот, а со добра нега и локално лечење на промените на кожата, дури и порано, особено ако се открие или отстрани алергенот кој го предизвикува дерматитисот. Во случај на  неуродермитис, промените на кожата можат да бидат подолготрајни, и да перзистираат до пубертетот, па и подоцна и покрај лечењето.