Потпечени компири со презла  Прикажи го рецептот >>

Потпечени компири со презла  >

Сосотојки:
800 грама компири 50 грама презла 40 грама путер цимет сол

Упатства:
Компирите се лупат, мијат и сечкаат на коцки. Се стават во поголем сад им се тура две црпалки вода и се посолуваат. Потоа ги ставаме во рерна и печеме околу 8 минути да омекнат. Путерот го растопуваме во поголема тава.Ја пропржуваме презлата внимателно да не загори.Ги додаваме компирите и мешаме додека не се прекријат со презлата.Посипуваме со сол и цимет( по желба) па сервираме. Наместо да ги печеме може компирите да се сварат во зовриена вода.Се цедат и се додаваат на пржената презла.

Време потребно за подготовка: 60 минути

<< Сокриј го рецептот

Похован кромид Прикажи го рецептот >>

Похован кромид >

Сосотојки:
2 јајца 750 мл млеко 0,5 кафена лажичка сол Масло за пржење 375 мл пиво 240 гр брашно 3 главици кромид

Упатства:
Ги исипуваме брашното и солта во сад. Правиме дупка во средината каде го исипуваме пивото. Ги додаваме јајцата едно по едно. Мешаме бавно додека не се добие густа изедначена каша. Оставаме смесата да одстои најмалку 30 минути. Го лупиме кромидот и го сечеме на цели кругови со дебелина 1 см. Кромидот го посипуваме со млеко и оставаме да одстои 1 час. Во сад за пржење загреваме поголема количина масло. Ги цедиме парчињата кромид и ги потопуваме во кашата од пиво. Пржиме од двете страни околу 3 минути додека не добие златна боја. Пржениот кромид го поставуваме врз хартија за да се исцеди вишокот масло. Сервираме веднаш.

Време потребно за подготовка: 80 минути

<< Сокриј го рецептот

Праз во рерна Прикажи го рецептот >>

Праз во рерна >

Сосотојки:
800 гр. праз 200 гр. овчо сирење 20 гр. масло 2 јајца 40 гр. брашно црн пипер 1/4 литар млеко сол

Упатства:
Празот исчистете гo, исечете го на парчиња долги 2 см., сварете го во солена вода, а потоа исцедете го. Половината од празот ставете го во подмачкана тава, преку празот ставете го сирењето претходно издробено и на крајот малку црн пипер. Ова прекријте го со другата половина од празот. Направете потоа глатка смеса од јајцата, бpaшното и млекото и прелијте го со неа празот. Печете го во рерна додека се зарумени. Служете со лут ајвар и туршија.

Време потребно за подготовка: 30 минути

<< Сокриј го рецептот

Рецепт за сирова туршија Прикажи го рецептот >>

Рецепт за сирова туршија >

Сосотојки:
Производи: 3 кг црвени пиперки 1 главица карфиол со средна големина 1 кг мали свежи моркови 1-2 кг мали зелени домати 1 главица бела зелка 4-5 чешниња лук 1 мал корен од рен неколку зрна црн пипер 7-8 листа винова лоза За саламура за 2 тегли од 3 литри: 7 лажички вода 5 лажички оцет 1 лажичка сол

Упатства:
Производите се мијат и се подготвуваат така што пиперките и зелката се сечат на големи парчиња. Морковите и ренот се рендаат и се сечат на кругови. Карфиолот се сече на цветови, а доматите се пробиваат на 2-3 места со игла за шиење. На дното на теглите се става 1 лозов лист (измиен и попарен) па производите се редат измешани и во секоја тегла се ставаат 2-3 чешниња лук и неколку зрна црн пипер. Подгответе саламура од вода и сол, варете десет минути, а потоа додадете оцет. Саламурата повторно врие и се трга од оган. Откако ќе се излади, распоредете ги во двете тегли. Над зеленчукот се ставаат 2-3 измиени и попарени лозови листови. Покријте ги теглите со капаци и чувајте ги на ладно место.

Време потребно за подготовка: 120 минути

<< Сокриј го рецептот

Сарма од кисела зелка со ореви Прикажи го рецептот >>

Сарма од кисела зелка со ореви >

Сосотојки:
1 главица кисела зелка 4-5 главици кромид 1 чаша ориз 100 гр. ореви масло брашно црвен пипер сол

Упатства:
3елката разделете ја на листови. Во тава ставете го кромидот да се пржи. Кота ќе биде скоро испржен додајте го оризот и пржете го заедно со кромидот со постојано налевање вода за да не загори оризот. Кога оризот ќе омекне, пропржете го уште малку, потоа тргнете го од оган и додајте ги оревите претходно истолчени. Со оваа смеса виткајте ја сармата. Наредете ја во тенџере и облијте ја со вода. Припремете запршка на следниот начин: Во тава ставете 2 лажици масло, загрејте го добро, додајте 2 лажичиња брашно и малку црвен пипер, па со запршката прелијте ја сармата. Ставете ја на слаб оган да крчка се додека не омекне зелката.

Време потребно за подготовка: 140 минути

<< Сокриј го рецептот

Солена торта од рендани тиквички  Прикажи го рецептот >>

Солена торта од рендани тиквички  >

Сосотојки:
За кори 2 х 1 тиквица 2 х 3 јајца 2 х 3 лажици брашно сецкан першун Фил околу 600 гр. кисела павлака

Упатства:
Во два садови изрендајте по една голема исчистена тиквичка, посолете и оставете 20 минути додека да пушти вода. Вклучете ја рерната на 180 степени. Изматете 3 јајца со миксер додадете ја тиквичката и 3 лажици брашно. Ако смесата е течна, додадете уште малку брашно сецкан першун. Плехот (35 х 25) обложете го со хартија за печење и ставете ја смесата без да додадете масло. Печете 20 минути. За тоа време изматете ја и другата кора и печете ја во истиот плех откако ќе ја извадите првата. Ќе добиете две кори кои се цврсти и меки во исто време, не се кинат и можат да се сечат по желба. Секоја кора се премачкува со павлака, се додава по желба буковска пипер, магдонос и други додатоци. Се става во фрижидер и се служи.

Време потребно за подготовка: 60 минути

<< Сокриј го рецептот

Солена торта со цветови од тиквички Прикажи го рецептот >>

Солена торта со цветови од тиквички >

Сосотојки:
4 тиквички 3 јајца 150 гр. фета сирење 1 дцл. млеко 2 лажици павлака 1 лажица брашно сол и црн бибер

Упатства:
Измиените тиквички исечете ги по должина со нож за лупење компири, на танки ленти На работната маса ставете една лента од тиквичка и на крајот ставете и фета сирење. Од половина продолжете со втора, па трета лента. Направете ролнички и водете грижа да не бидат стегнати. Ставете ги цветовите во плех за печење премачкан со масло и ставете го во релна на 250 C околу 15-20 минути. Јајцата, млекото, павлаката, солта, брашното и биберот измаете ги во посебен сад. Можете да додадете и рендано сирење по желба. Со оваа смеса прелијте ги цветовите од тиквички и печете додека солената торта не порумени.

Време потребно за подготовка: 60 минути

<< Сокриј го рецептот

Спанаќ со јајца Прикажи го рецептот >>

Спанаќ со јајца >

Сосотојки:
1 кгр. спанаќ 1 главица кромид 4 јајца црвен пипер сол

Упатства:
Исчистете го спанаќот и измијте го. Кромидот ситно сечкан испржете го и во него ставете малку црвен пипер, посолете по вкус. Оваа смеса ставете ја во тавче, долејте мапку вода и ставете да се пече. Кога ќе биде напола печено, преку спанаќот скршете ги јајцата. Претходно направете вдлабнатина во спанаќот за да може јајцата да останат цели. Вратете го тавчето во рерна и печете го уште десетина минути.

Време потребно за подготовка: 40 минути

<< Сокриј го рецептот

Тиквички со кисело млеко и лук Прикажи го рецептот >>

Тиквички со кисело млеко и лук >

Сосотојки:
2 средни тиквички 2 јајца лук по желба колку сакате брашно сол копар масло за јадење

Упатства:
Две средни тиквички се сечат на кругчиња, се валкаат во брашно и јајца, па нормално си се пржат. Откако ќе се испржат, се оставаат малку да се оладат. Потоа се сечкаат на средно големи парчиња. Во сад се толчи лук со сол, се додава околу половина канче кисело млеко (по потреба и повеќе), се меша со лукот и се додаваат исечените тиквички. Се става малку масло за јадење, по желба може и малку копар. Сето тоа убаво се меша и е спремно за јадење. Добар апетит!

Време потребно за подготовка: 60 минути

<< Сокриј го рецептот