| 13 - 24 рецепти од 33 | Страница: | | 1 | 2 | 3 |
Спанаќ со јајца >
Сосотојки:
1 кгр. спанаќ
1 главица кромид
4 јајца
црвен пипер
сол
Упатства:
Исчистете го спанаќот и измијте го. Кромидот ситно сечкан испржете го и во него ставете малку црвен пипер, посолете по вкус. Оваа смеса ставете ја во тавче, долејте мапку вода и ставете да се пече. Кога ќе биде напола печено, преку спанаќот скршете ги јајцата. Претходно направете вдлабнатина во спанаќот за да може јајцата да останат цели. Вратете го тавчето во рерна и печете го уште десетина минути.
Време потребно за подготовка: 40 минути
<< Сокриј го рецептот
Праз во рерна >
Сосотојки:
800 гр. праз
200 гр. овчо сирење
20 гр. масло
2 јајца
40 гр. брашно
црн пипер
1/4 литар млеко
сол
Упатства:
Празот исчистете гo, исечете го на парчиња долги 2 см., сварете го во солена вода, а потоа исцедете го. Половината од празот ставете го во подмачкана тава, преку празот ставете го сирењето претходно издробено и на крајот малку црн пипер. Ова прекријте го со другата половина од празот. Направете потоа глатка смеса од јајцата, бpaшното и млекото и прелијте го со неа празот. Печете го во рерна додека се зарумени. Служете со лут ајвар и туршија.
Време потребно за подготовка: 30 минути
<< Сокриј го рецептот
Кинески нудли со зеленчук >
Сосотојки:
1. 200гр нудли (или шпагети)
2. 1 мала главица кромид
3. 1 тиквица
4. 2-3 крупни печурки
5. 2-3 моркови
6. 1 пиперка
7. сол
8. црн пипер
9. 2 супени лажици соја сос
10. 1 супена лажица сенф
11. 1 супена лажица мед
12. малку иситнети кикиритки
Упатства:
Нудлите или шпагетите сварете ги според упатството на пакувањето.
Додека се варат, исечкајте го зеленчукот на тенки ленти, или на коцки, како сакате. Во подлабок сад (имајте во предвид дека во него после ќе ги измешате и нудлите) на оган ставете малку зејтин и пропржете го кромидот исечкан на кругови.
Откако ќе се испржи кромидот додадете го преостанатиот зеленчук.
Мешајте на јак оган додека да испари водата и зеленчукот не омекне. Но, немојте да претерате, треба да остане цел а не раскашавен.:)
Додадете зачини по вкус, соја сосот, медот и сенфот и сето тоа убаво измешајте го над тивок оган.
На крај додадете ги исцедените нудли, пржете ги заедно околу 1 минута и сервирајте.
Одозгора посипете ги со иситнетите кикиритки.
Време потребно за подготовка: 40 минути
<< Сокриј го рецептот
Посни шницли >
Сосотојки:
1 кгр. спанаќ
300 грама ориз
сол, бибер, зејтин, магдонос и брашно
лебни трошки ( по потреба)
Упатства:
Спанаќот го чистиме и го миеме. Оризот го чистиме и го вариме. Откако е варен го цедиме. Во тенџере ставаме вода спанаќот го спуштаме во водата и го обаруваме и него го процедуваме па на даска за сецкање го сецкаме. Исецканиот спанаќ го ставаме во длабок сад му го додаваме и оризот потоа убаво промешуваме го додаваме и магданосот и зачинуваме по желба, убаво промешуваме. Ако е смесата ретка додаваме лебни трошки. Во друг подлабок сад ставаме брашно земаме од смесата правиме шницли и ги мацкаме во брашното. Така правиме со цело тесто. Во тава ставаме зејтин и тавата ја ставаме на рингла за да се затопли зејтинот. Откако е затоплен ги ставаме шницлите и ги пржиме од двете страни да бидат румени. Кога се готови ги ставаме во убав голем тањир и ги служиме.
Време потребно за подготовка: 40 минути
<< Сокриј го рецептот
Кaша од карфиoл со ориз >
Сосотојки:
70 гр. карфиол,5 гр.ориз(1 мала лажица),5 гр масло,
Упатства:
Карфиолот се мие и се разделува на ситни парчиња (само цветот) и се става да се вари во врела вода. Кога ке омекне се додава измиениот ориз и се остава да повари на умерена температура поклопен. Штом ќе се свари се истура вишокот вода и се додава маслото и се вари уште 3 мин. За доенчиња со навршени 5 месеци..
Време потребно за подготовка: 20 минути
<< Сокриј го рецептот
Брускети со зеленчук >
Сосотојки:
300 г домати
1 краставица
2 чешниња лук
2 лажички рендана кора од лимон
2 лажици маслиново масло
1 лажичка босилек
8 интегрални мини земички
сол
бибер
Упатства:
Исечкајте го зеленчукот и измешајте го со кората од лимонот и маслиновото масло. Смесата зачинете ја со сол, бибер и ситно сечкан босилек. Исечете ги земичките на половина, потпечете ги во загреана рерна и врз нив распоредете ја смесата од зеленчукот.
Време потребно за подготовка: 40 минути
<< Сокриј го рецептот
Сарма од кисела зелка со ореви >
Сосотојки:
1 главица кисела зелка
4-5 главици кромид
1 чаша ориз
100 гр. ореви
масло
брашно
црвен пипер
сол
Упатства:
3елката разделете ја на листови. Во тава ставете го кромидот да се пржи. Кота ќе биде скоро испржен додајте го оризот и пржете го заедно со кромидот со постојано налевање вода за да не загори оризот. Кога оризот ќе омекне, пропржете го уште малку, потоа тргнете го од оган и додајте ги оревите претходно истолчени. Со оваа смеса виткајте ја сармата. Наредете ја во тенџере и облијте ја со вода. Припремете запршка на следниот начин:
Во тава ставете 2 лажици масло, загрејте го добро, додајте 2 лажичиња брашно и малку црвен пипер, па со запршката прелијте ја сармата. Ставете ја на слаб оган да крчка се додека не омекне зелката.
Време потребно за подготовка: 140 минути
<< Сокриј го рецептот
Солена торта со цветови од тиквички >
Сосотојки:
4 тиквички
3 јајца
150 гр. фета сирење
1 дцл. млеко
2 лажици павлака
1 лажица брашно
сол и црн бибер
Упатства:
Измиените тиквички исечете ги по должина со нож за лупење компири, на танки ленти
На работната маса ставете една лента од тиквичка и на крајот ставете и фета сирење. Од половина продолжете со втора, па трета лента. Направете ролнички и водете грижа да не бидат стегнати.
Ставете ги цветовите во плех за печење премачкан со масло и ставете го во релна на 250 C околу 15-20 минути.
Јајцата, млекото, павлаката, солта, брашното и биберот измаете ги во посебен сад. Можете да додадете и рендано сирење по желба. Со оваа смеса прелијте ги цветовите од тиквички и печете додека солената торта не порумени.
Време потребно за подготовка: 60 минути
<< Сокриј го рецептот
Посна мусака со тиквички >
Сосотојки:
2 средни тиквички
200 грама соја трошки
50 грама ориз
1 морков
150 грама кашкавал посен
Упатства:
Сојата ја оставаме во ладна вода да откисне 20 минути. Потоа водата ја истураме и тураме нова, па ја ставаме сојата да зоврие.
Тиквичките ги сечкаме на тркалца.
Во тепсија редиме ред тиквички, ред соја ( низ која ставаме од оризот и морковот исечен на тркалца). Додаваме зачини по желба.
Ставаме да се пече во загреана рерна. Кога убаво ќе порумени го рендаме кашкавалот и враќаме уште малку во рерна за да се растопи.
Време потребно за подготовка: 60 минути
<< Сокриј го рецептот
Печени тиквички >
Сосотојки:
Кромид - 1 главица
Маслиново масло - 2 лажици
Tиквички - 600 гр.
Оригано
2 Свежи домати
Конзервирана пченка - 200 гр.
Сол
Бибер
Безмасен јогурт - 200 мл.
Пармезан - 100 гр.
Упатства:
Излупете го кромидот и исецкајте го.
Загрејте го маслииновото масло во тава и запржете го кромидот.
Измијте ги тиквичките и исецкајте ги во коцкички. Додадете ги во тавата.
Додадете оригано. Гответе го 10 мин.
Измијте ги доматите и додадете ги во тавата.
Додадете ја пченката, солта и биберот.
Измешајте и додадете ги тиквичките во тава за печење. Прелијте го јогуртот врз нив и додадете пармезан.
Време потребно за подготовка: 40 минути
<< Сокриј го рецептот
Полнети модри домати >
Сосотојки:
• 2 модри домати
• 1 главица кромид
• 2 чешниња лук
• 200 гр свежи шампињони
• 1 тиквица
• 5 лажици доматно пире
• сирење по желба (било кое млечно сирење)
• 1 домат или неколку шери домати
• зачини по желба (сол, црн пипер, босилок, мајчина душичка)
• масло за јадење
Упатства:
Модрите домати ги сечеме на половина по должина и ја вадиме внатрешноста. Вака празни ги ставаме на хартија за печење и ги посолуваме, попрскуваме малку со масло за јадење и ги ставаме 10 минути на 180°Ц. Во меѓувреме ги пропржуваме кромидот и лукот и потоа ги додаваме ситно исецканите печурки и малку вода и динстаме неколку минути. Кон ова ја додаваме внатрешноста од модрите домати, ситно исецкана, и ситно исецканата тиквица. Мешаме и додаваме зачини и оставаме да се динста 10-тина минути. Потоа додаваме доматно пире и динстаме уште неколку минути. Со оваа смеса ги полниме модрите домати и ставаме кругови од доматите. Ги оставаме да се печат на 180°Ц, 10-15 минути. Потоа при крај ги редиме кришките сирење и допекуваме уште неколку минути.
Follow my_little_kitchen_stories on Instagram
Време потребно за подготовка: 60 минути
<< Сокриј го рецептот
Zucchini pie(пита од тиквички) >
Сосотојки:
3 тиквички
2 домати
копар
една чаша брашно
овчи кашкавал
сол
бибер
мелен лук
3 јајца
Упатства:
Прво се рендаат тиквичките и се префрлаат во друг сад за да се тргне течноста. Се додава сол па се размешува. Потоа се додаваат три јајца заедно со бибер и мелениот лук. Убаво се меша целата смеса. Се става во плех за торти и се додаваат сецкани домати на кругчиња. Го рендаме кашкавалот и го редиме над питата. Се пече 25-30 мин на 180 степени.
Follow hranaireceptii na Instagram
Време потребно за подготовка: 70 минути
<< Сокриј го рецептот
