| 13 - 24 рецепти од 33 | Страница: | | 1 | 2 | 3 |
Пикантни маринирани пиперки со крем сирење >
Сосотојки:
12-15 лути маринирани пиперки по избор
200 гр крем сирење или фета
неколку гранчиња копар
1 мелено чешне лук по желба
сол, бибер по вкус
Упатства:
12-15 лути маринирани пиперки по избор
200 гр крем сирење или фета
неколку гранчиња копра
неколку гранчиња див кромид
1 мелено чешне лук по желба
сол, бибер по вкус
Време потребно за подготовка: 50 минути
<< Сокриј го рецептот
Пиперки и компир >
Сосотојки:
- 400 гр компири
- 2 зелени и две црвени пиперки
- една главица кромид
- 2 јајца
- пармезан
- маслиново масло
- сол и црн пипер
Упатства:
Излупените компири ги сечеме на тенки кругови. На оган ставаме тава за пржење и во неа додаваме маслиново масло. На пиперките им ги отстрануваме рачките и семките. Круговите компири ги ставаме во тавата со загреано масло да се пржат. Пиперките ги сечкаме на кругови и ги додаваме во тавата. Промешуваме. Кромидот го сечкаме на покрупни парчиња и го додаваме во тавата. Уште еднаш додаваме маслиново масло и промешуваме.
Во поголем длабок сад ги кршиме јајцата и ги матиме со жица за матење. Потоа јајцата ги посолуваме и ги зачинуваме со мелен црн пипер. Уште еднаш матиме со жицата. Промешуваме. Потоа во тавата ги додаваме изматените јајца. Откако јајцата ќе се испржат пиперките и компирите на италијански начин ги ставаме на чинија за послужување. Одозгора наросуваме пармезан.
Време потребно за подготовка: 60 минути
<< Сокриј го рецептот
Пиперки полнети со урда >
Сосотојки:
300 грама Урда
малку Сол
500 грама Пиперки
60 милилитри Маслиново масло
1 Јајце
Упатства:
Пиперките треба да се со тенка лушпа, средно долги и не многу тенки. Исечете им ги рачките и извадете го семето од нив.
Изматете го јајцето и во него додадете ја урдата. Сето тоа убаво изматете го со вилушка.
Секоја пиперка, со мало лажиче наполнете ја со подготвената урда.
Во тавче ставете ги маслото и наредете ги пиперките да се пржат. Немојте да го покривате тавчето. Пржете додека малку не поруменат пиперките.
Време потребно за подготовка: 40 минути
<< Сокриј го рецептот
Плескавици од тиквички >
Сосотојки:
2 тиквички
2 јајца
брашно
млеко
маслиново масло
малку пециво
сол и црн пипер
Упатства:
Се прави хомогена смеса од јајцата, млекото, брашното, маслото и пецивото, исто како за палачинки, но малку погусто.Во таа смеса се додаваат ренданите тиквички, сол, црц бибер и вегета. Се пржат во тава за палачинки, со повеќе масло како плескавици. Во тавата се ставаат со голема лажица за да се добие облик на плескавица.
По приготвувањето може да се служат премачкани или полиени со павлака, топена зденка, фета, сирење или кашкавал.
Време потребно за подготовка: 50 минути
<< Сокриј го рецептот
Плескавици од тиквички >
Сосотојки:
2 средни тиквички
1 јајце
100 гр презла
Брашно
Сол
Нане
Оригано
Лук
Упатства:
Две средни тиквички се лупат, па се рендаат на широката страна на рендето, се посолуваат и се остaваат половина час да се цедат во голема цедалка. Потоа се стегаат за да излезе вишокот вода, па се додава презлата, јајцето и неколку лажици брашно(3-5). Смесата не треба да биде течна, затоа по потреба се додава презла или брашно. Се зачинува и од сместа се формираат плескавици. Се пржат на средна температура.
Време потребно за подготовка: 50 минути
<< Сокриј го рецептот
Полнет модар домат >
Сосотојки:
2 модри домати
малку сол
1 лажица масло
1 поголем домат
Фил:
60 гр. ориз
1 лажица масло
30 гр. микс од интегрални снегулки
1/2 лажица масло
1/2 лажица бибер
1/2 лажица црвен бибер
1 лажица ајвар
1/2 лажица мелен сушен зеленчук
малку лук во прав
Упатства:
Модрите домати пресечете ги на половина и издлабете ги околу 0,5 cm. (средината оставете ја за фил). Посолете ги и оставете ги да постојат околу 15-20 минути. Измијте ги под млаз вода и оставете ги да се исушат
Сварете го оризот, прелијте го со ладна вода и процедете го. На масло испржете го исецканиот лук, додадете го ситно исечканиот модар домат. Додадете го оризот, ајварот и останатите зачини
Половините од доматот наредете ги во тава за печење и наполнете ги со филот. Одозгора наредете кругови исечкани домати и ставете ги во рерна да се печат околу 45 минути.
Време потребно за подготовка: 90 минути
<< Сокриј го рецептот
Полнети модри домати >
Сосотојки:
• 2 модри домати
• 1 главица кромид
• 2 чешниња лук
• 200 гр свежи шампињони
• 1 тиквица
• 5 лажици доматно пире
• сирење по желба (било кое млечно сирење)
• 1 домат или неколку шери домати
• зачини по желба (сол, црн пипер, босилок, мајчина душичка)
• масло за јадење
Упатства:
Модрите домати ги сечеме на половина по должина и ја вадиме внатрешноста. Вака празни ги ставаме на хартија за печење и ги посолуваме, попрскуваме малку со масло за јадење и ги ставаме 10 минути на 180°Ц. Во меѓувреме ги пропржуваме кромидот и лукот и потоа ги додаваме ситно исецканите печурки и малку вода и динстаме неколку минути. Кон ова ја додаваме внатрешноста од модрите домати, ситно исецкана, и ситно исецканата тиквица. Мешаме и додаваме зачини и оставаме да се динста 10-тина минути. Потоа додаваме доматно пире и динстаме уште неколку минути. Со оваа смеса ги полниме модрите домати и ставаме кругови од доматите. Ги оставаме да се печат на 180°Ц, 10-15 минути. Потоа при крај ги редиме кришките сирење и допекуваме уште неколку минути.
Follow my_little_kitchen_stories on Instagram
Време потребно за подготовка: 60 минути
<< Сокриј го рецептот
Полнети печурки >
Сосотојки:
1 пакување печурки свежи
1 морков
1-2 чешне лук
1/2 главица кромид
црн домат
и друг зеленчук по желба, а и не мора
малку павлака
зачини
кашкавал
Упатства:
Печурките се мијат и дршките се отстрануваат, се сецкаат ситно и се пржат во маслиново масло заедно со зеленчукот исто така ситно исецкан, потоа се става павлаката и на крај се ставаат зачини по желба. Печурките се редат во огноотпорен сад со отворот нагоре и се полнат со смесата, најгоре се става по една коцка кашкавал и се печат во рерна 15-20 мин.
Време потребно за подготовка: 40 минути
<< Сокриј го рецептот
Полнети пица пиперки >
Сосотојки:
2 бабури
1 лажица кошер сол
1 лажица свежо мелен бибер
1 шолја рендано моцарела сирење
1/2 шолја фино сецкан власец
4 јајца
4 ленти сланина
1/2 шолја рендано чедар сирење
Упатства:
Загрејте ја рерната на 180 степени.
Пресечете ги бабурите на половина, по должина. Отстранете ја дршката и семето, а во внатрешноста на секоја половина попрскајте сол и бибер. Печете околу 15-20 минути, додека пиперките малку омекнат.
Потоа посипете ја моцарелата и половина од власецот рамномерно по четирите преполовени бабури. Скршете по едно јајце во секоја од половините. Посипете сол, бибер, сланина, чедар и преостанатиот власец врз јајцата. Печете уште 15-20 минути, додека белките на јајцата се добро потпечени.
Време потребно за подготовка: 30 минути
<< Сокриј го рецептот
Посен ѓувеч со ориз >
Сосотојки:
1 гл.кромид стар
6 пар.зелени пиперки
1 тиквичка
3 пар. домати
3 моркови
пола килограм компири
1 чаша ориз
сол
црвен пипер
масло
магдонос пресен
Упатства:
Во тенџере на оган ставете ги исечканите кромид и пиперки и пржете додека кромисот не добие златеста боја. Ставете црвен пипер. Ставете ги тиквичките морковите и пржете додека не омекнат. Ставете ги ренданите домати и варете околу 10 минути. Ставете ги сечканите моркови и оризот. Ставете сол, бибер, зачини по желба, масло и вода и поклопете го тенџерето со капак. Оставете го да се вари околу 45 минути со повремено мешање.
Добар апетит
Време потребно за подготовка: 80 минути
<< Сокриј го рецептот
Посна мусака со тиквички >
Сосотојки:
2 средни тиквички
200 грама соја трошки
50 грама ориз
1 морков
150 грама кашкавал посен
Упатства:
Сојата ја оставаме во ладна вода да откисне 20 минути. Потоа водата ја истураме и тураме нова, па ја ставаме сојата да зоврие.
Тиквичките ги сечкаме на тркалца.
Во тепсија редиме ред тиквички, ред соја ( низ која ставаме од оризот и морковот исечен на тркалца). Додаваме зачини по желба.
Ставаме да се пече во загреана рерна. Кога убаво ќе порумени го рендаме кашкавалот и враќаме уште малку во рерна за да се растопи.
Време потребно за подготовка: 60 минути
<< Сокриј го рецептот
Посни шницли >
Сосотојки:
1 кгр. спанаќ
300 грама ориз
сол, бибер, зејтин, магдонос и брашно
лебни трошки ( по потреба)
Упатства:
Спанаќот го чистиме и го миеме. Оризот го чистиме и го вариме. Откако е варен го цедиме. Во тенџере ставаме вода спанаќот го спуштаме во водата и го обаруваме и него го процедуваме па на даска за сецкање го сецкаме. Исецканиот спанаќ го ставаме во длабок сад му го додаваме и оризот потоа убаво промешуваме го додаваме и магданосот и зачинуваме по желба, убаво промешуваме. Ако е смесата ретка додаваме лебни трошки. Во друг подлабок сад ставаме брашно земаме од смесата правиме шницли и ги мацкаме во брашното. Така правиме со цело тесто. Во тава ставаме зејтин и тавата ја ставаме на рингла за да се затопли зејтинот. Откако е затоплен ги ставаме шницлите и ги пржиме од двете страни да бидат румени. Кога се готови ги ставаме во убав голем тањир и ги служиме.
Време потребно за подготовка: 40 минути
<< Сокриј го рецептот
