Највкусната пица Прикажи го рецептот >>

Највкусната пица >

Сосотојки:
квасец - 1 пакетче сув шеќер - 1 лажиче пиво - 250 мл вода - 1 чаша сол - 1 лажиче масло - 5 - 6 лажици брашно - околу 800 г за фил печурки - 100 г пиперки - 1 - 2 црвени домати - 1 парче. доматно пире - за премачкување шунка - 200 - 300 г магдонос - 1/2 китка кашкавал - 200 - 300 г маслиново масло

Упатства:
Растворете го квасецот со малку шеќер во малку топла вода. Откако ќе се активира, додадете го во пресеаното брашно со останатите состојки и замесете тесто. Оставете го тестото да нарасне и покријте го со крпа. Тестото се дели на топки во зависност од количината и големината на посакуваните пици. За фил Сварете ги прво печурките во посолена вода и исцедете ги. Расукајте гио тестото и ставете го во тава или даска за печење. Намачкајте го со доматно пире и посипете малку сол и бибер. Полејте го со маслиново масло и ставете малку да се запече, додека се подигне. Одозгора распоредете исечени печурки, шунка, пиперки, домати и посипете со магдонос, уште зачини и малку маслиново масло. Ставете ја пицата да се пече додека производите омекнат. Потоа извадете ја брзо, посипете ја со рендан кашкавал и вратете ја пицата да се испече до посакуваната боја. По желба може да замените кашкавал со сирење или да ги додадете и двете. Bon appetit!

Време потребно за подготовка: 50 минути

<< Сокриј го рецептот

Равиоли Прикажи го рецептот >>

Равиоли >

Сосотојки:
брашно - 150 г јајца - 1 парче сол вода белки - 1 бр. за мачкање

Упатства:
Измесете меко тесто од пресеаното брашно, јајце, сол и малку вода. Готовото тесто исечете го на кругови со чаша или сад. Кругчињата се полнат со саканиот фил - едно кругче се мачка со разбиена белка, се става филот во средината, над него се става второта кругче и краевите се притискаат. За фил за равиоли може да користите остатоци од варено или печено месо, кое се меле, и се пржи заедно со сецкан кромид. Се зачинува со сол, бибер и се промешува со 1 јајце. Веќе готовите равиоли пуштајте ги во врела малку посолена вода и варете околу 5-10 минути. Може да ги принесете со супа или со сос по избор.

Време потребно за подготовка: 40 минути

<< Сокриј го рецептот

Кифлички со мармалад Прикажи го рецептот >>

Кифлички со мармалад >

Сосотојки:
1 кгр. брашно 5 јајца 500 мл млеко 1 квасец 150 мл.масло 6-8 лажици шеќер 1 пак. ванила мармалад

Упатства:
Млекото се затоплува. Кон него се додаваат: квасецот, 3-4 лажици шеќер, 3-4 лажици брашно. Смесата се остава на страна за околу 10 минути за да стаса. Брашното, јајцата (без едната жолчка), маслото, ванилата и 3-4 лажици шеќер се мешаат со веќе стасаниот квасец. Тестото се замесува и се остава да нарасне за 30-35 минути. Откако ќе нарасне се премесува и се дели на 4 еднакви топчиња. Топчињата се остават на маса врз масло. Се сучат се и се сечат на триаголници (со дебелина од околу 1 см). Се додава мармалад (по можност густ) и се витка. Одделно се разбива жолчка со малку масло и се мачкаат кифлите. Се посипуваат со шеќер и се оставаат малку да скиснат. Печете на 200 ° и постепено на 250 °.

Време потребно за подготовка: 80 минути

<< Сокриј го рецептот

Лазања (со мелено месо) Прикажи го рецептот >>

Лазања (со мелено месо) >

Сосотојки:
- 500 г. лазања кори - 500 г. мелено месо - 400 г. кашкавал - 800 мл. кечап - 150 г. сос за шпагети - 2 големи лажици масло - 2 чешниња лук - 1 мало лажиче сол - 1 мало лажиче шеќер - 1 лажиче оригано - малку пипер

Упатства:
Прво се приготвува сосот од месото со сите состојки, на следниов начин: Се става маслото во подлабоко тенџере, се потпржува меленото и му се додаваат сите наведени состојки, се меша добро да не запече. Сосот треба да биде густ, така да кога ќе се помине со лажицата на дното од тенџерето да остави трага и тоа е знак дека сосот е спремен. Во меѓувреме се варат лазањите (во вода, со малку масло и сол) да омекнат околу 10-15 мин., па се ладат во ладна вода. Во тава 22x33 cм. се редат прво лазањата, па еден ред сос, рендан кашкавал, па повторно лазања, сос, кашкавал и така се’ додека не се потрошат сосот и лазањите, а и последната лазања мора да биде со сoс и кашкавал. На крајот се покриваат со фолија и се печат 30 минути на 180°C.

Време потребно за подготовка: 80 минути

<< Сокриј го рецептот

Панцероти Прикажи го рецептот >>

Панцероти >

Сосотојки:
100 мл зејтин 200 мл јогурт 600 гр брашно 1 пециво и 1 мала лажичка сол

Упатства:
Tестото се меси убаво да стане меко. Се дели на топчиња малку помали од мандарина. Се сукаат што потенко, зашто нараснуваат. Се полниат со фил, се преклопуваат, и им се стискаат краевите со виљушка. Се редат во подмачкана тава, се мачкаат со јајце и им се става сусам. Се печат на 200 степени.

Време потребно за подготовка: 60 минути

<< Сокриј го рецептот

Запечени макарони со мелено месо и печурки Прикажи го рецептот >>

Запечени макарони со мелено месо и печурки >

Сосотојки:
1 пакетче макарони 500 гр мелено месо 400 гр печурки 1 главица кромид Сол, бибер, вегета и малку масло за јадење 1 тегла (900 гр) сос за шпагети 200 гр рендано сирење (моцарела или по избор)

Упатства:
Рерната се загрева на 200 степени. Тестенината се вари во солена вода, се цеди и се полива со ладна вода за да не се лепи. Додека тестенината се вари се подготвува сос. Во малку масло пропржете ситно сецкан кромид. Во кромидот додадете го месото и зачините и пржете уште 10 минути. Печурките исецкајте ги по желба и додадете ги месото. Динстајте на тивок оган додека печурките омекнат. Кога ќе биде готово се додава шпагети сосот (доматен сос). Се остава да крчка па се додава смесата во макароните. Се добро измешајте и префрлете ги макароните во тепсија подмачкана со путер. Додадете го ренданото сирење. Се пече додека сирењето не се стопи и добие златно кафена кора од горе.

Време потребно за подготовка: 80 минути

<< Сокриј го рецептот

Пирошки Прикажи го рецептот >>

Пирошки >

Сосотојки:
1 кгр брашно, 1/2 литар млеко, 2 јајца и 1 жолчка, 1 квасец, сол и малку шеќер, 150 гр. маргарин

Упатства:
Тестото се замесува и се остава да скисни. Се сучи и се сечат форми на круг или квадрат, се полнат со фил од салама сирење, кечап (се по желба). На краевите се мачка белка изматена, се затвораат, се притискаат со вилушка на краевите, се оставаат околу 5 мин да покиснат покриени со крпа и се пржат во врело масло.

Време потребно за подготовка: 80 минути

<< Сокриј го рецептот

Хачапури Прикажи го рецептот >>

Хачапури >

Сосотојки:
800 г брашно 500 мл јогурт 1 јајце 100 г путер (растопен) 3-4 лажици масло за готвење 1 коцка свеж квасец 1 лажичка сол 1 лажичка шеќер 750 г сирење или урда (состојки за фил) 1 белка (состојки за фил) 1 жолчка за премачкување (состојки за фил)

Упатства:
Од сите наведени состојки за тестото, на вообичаен начин се прави меко тесто кое обично може по малку и да се лепи за рацете. Тестото се покрива со пластична фолија (за да не се создаде корка) и се остава најмалку 1 саат да кисне (можеби и нема многу на нарасне, но тоа не е грешно). Подготовка на филот. Додека тестото кисне се припрема филот. Сирењето се ренда на ренде, се додава 1 јајце и 1 белка (втората жолчка ќе служи за премачкување) и добро се хомогенизира. Топчиња тесто и фил.Нараснатото тесто се става на добро набрашнета површина и уште еднаш кратко се измесува, се дели на 12 дела и се формираат 12 топчиња (секое топче ќе тежи околу 120 – 130 г). Филот исто така се дели на 12 топчиња. Тесто и фил.Од секое топче од тестото се формира мал катмер, а во средината се става топчето од филот. Слепено тесто5.Со помош на рака се залепуваат страните така што филот да биде покриен со тесто. Оформената топка се завртува со залепениот дел одоздола. Така се постапува со сите 12 топки. Притиснати топчиња.Секое топче најпрвин се притиснува т.е смачкува со рака. Расукано топче.Потоа, со помош на оклагија, се расукува круг (мал хачапури) и се сместува во тава обложена со хартија. И така со сите 12 топки. Спремни за печење.Во една тава од рерната може да се наредат 4 хачапури. Секоја пита се премачкува со жолчка, се посипува со сусам, ким или афион (по сопствена желба) и се оставааат малку да одморат или се додека не се загрее рерната. Испечени хачапури.Се печат во загреана рерна на 200 степени, околу 15 минути или додека ја променат бојата, односно малку поруменат. Преземено: http://migusto.mk/hacapuri/

Време потребно за подготовка: 90 минути

<< Сокриј го рецептот

Василичарска кора со паричка Прикажи го рецептот >>

Василичарска кора со паричка >

Сосотојки:
1/2 кгр. готови кори За фил: 6 лажици брашно 1 лажиче сол 1 прашок за печиво 300 гр. млеко 100 гр. масло сирење или урда

Упатства:
Смесата за фил се меша убаво за да не останат грутчиња. Урдата се посолува. Секоја кора се премачкува со две лажици од филот и се става урда. Се витка во ролна, а потоа се витка како полжав на средината на плехот. Постапката се повторува со секоја кора поединечно и секоја ролна се надоврзува на претходната во плехот. Во една од корите се става паричка завиткана во алуминиумска фолија. Со 1/2 килограм кори се исполнува цела тепсија. Кората се попрскува со малку вода и се става масло и сусам. Се става да се печи. Среќа да гo следи оној на кој му се падна паричката!

Време потребно за подготовка: 40 минути

<< Сокриј го рецептот

Макарони со туна Прикажи го рецептот >>

Макарони со туна >

Сосотојки:
1 голема туна 2 лажици мајонез 2 лажици павлака 2 кисели краставички половина лимон зачини магдонос грашок

Упатства:
Сварете ги макароните со сол и масло. Откако ќе се изладат, направете го сосот. Во сад измешајте ја туната со мајонезот и павлаката, исцедете го лимонот, исечкајте ги краставичките и магдоносот и додајте го грашокот. Можете да додадете и кари или друг некој зачин. Ставете го сосот врз макароните, декорирајте и послужете.

Време потребно за подготовка: 40 минути

<< Сокриј го рецептот

Вегетаријански лазањи Прикажи го рецептот >>

Вегетаријански лазањи >

Сосотојки:
2 модри патлиџана (средна големина) 1 главица кромид 2 конзерви (од 250г) домати или домашен доматен сос 2 чешниња лук 1 лажица мед 200г пармезан Едно пакување лазањи Сол Бибер Босилок (свеж или сушен) Маслиново масло Путер Бешамел сос

Упатства:
Излупете ги модрите патлиџани и исечете ги на дебели тркалезни парчиња. Обложете плитка тава со хартија за печење, посолете го модриот патлиџан и ставете ги парчињата да се испечат во рерна на температура од 200°C. Во длабок сад, на маслиново масло пропржете го кромидот исечкан на ситни парчиња и откако ќе добие жолтеникава боја, додајте го лукот исто така исечен на ситни парчиња и пржете уште 2 минути. Додајте го сосот од домати. Додајте сол, бибер, мед и босилок. Гответе уште 15 минути. Во огноотпорен сад подмачкан со путер, наредете слој лазањи на дното од садот, потоа слој од сосот со домати, слој од печените патлиџани и малку изрендан пармезан. Постапката повторувајте ја додека не ги потрошите состојките и завршете со слој од тестенини. Прелијте со бешамел сос и изрендајте пармезан одозгора. Бидете сигурни дека сите листови од тестенината се добро покриени со сосот. Печете во загреана рерна 20 минути на 200°C. Откако ќе бидат готови лазањите, причекајте да се оладат пред да ги послужите.

Време потребно за подготовка: 60 минути

<< Сокриј го рецептот

Италијански леб со лук и магдонос Прикажи го рецептот >>

Италијански леб со лук и магдонос >

Сосотојки:
500 г бело брашно 1 кесичката квасец (околу 10 г) 300 мл вода една главица лук мал куп свеж магдонос 10 г сол 1 лажица маслиново масло

Упатства:
Едноставно месете го тестото со брашно, квасец и вода и оставете го да отстои – нека се дуплира во големина. Во меѓувреме, се вари во водата излупениот лук – 10 до 15 минути, додека не омекне. оставете да се излади. Ситно исецканиот магдонос додадете го на изладениот лук. Додадете лажица маслиново масло и добро измешајте а потоа и истолчете. . На мешавината од кромид и магдонос додадете сол и додадете ја на тесто и мешајте додека не биде рамномерно низ целото тесто. Оставете тестото да се зголеми едно 2-3 часа, премесувајќи го секој час. Обликувајте како сакате и оставете го уште еднаш пред печење да отстои да се зголеми. Се пече на 220 степени Целзиусови 25 до 30 минути. Се разбира, љубителите на лук може да го зголемат количеството на лук.

Време потребно за подготовка: 240 минути

<< Сокриј го рецептот