– Лиснатото тесто ставете го на набрашнета работна површина и развлечете го со сукало. – Со остар нож исечете го на ленти со широчина 1-1,5 см. – Лентите тесто намотајте ги на модли (ако немате модли направете фишеци од картон и обложете ги со алуминиумска фолија). Потоа наредете ги во тава и премачкајте ги со разматено јајце и посипете сусам или ким. – Ставете ги да се печат во загреана рерна на 220 целзиусови степени околу 15 минути или додека да добијат убава румена боја. – Печените корнети внимателно извадете ги од модлите и оставете ги да се изладат. – Излупете го целерот и ситно изрендајте го. Испрскајте го веднаш со сок од лимон за да не потемни. – Додадете ја киселата павлака и посипете со сол и бибер по вкус. Убаво измешајте и со оваа смеса наполнете ги корнетите од тесто. На крај посипете со сецкан свеж власец.