vezilka RR
|
Карлична презентација
Карлична презентација претставува кога карлицата на бебето, односно бебешкото газе или неговите нозе, ќе се спуштат најдолу во матката, односно во мај-чината карлица. Тоа значи дека најнискиот дел на бебето во матката не е главата, и затоа оваа појава се вбројува во малпрезентација, неправилна поставеност на бебето.
Сепак, бебето се врти
Карлична презентација претставува кога карлицата на бебето, односно бе-бешкото газе или неговите нозе, ќе се спуштат најдолу во матката, односно во мај-чината карлица. Тоа значи дека најнискиот дел на бебето во матката не е главата, и затоа оваа појава се вбројува во малпрезентација, неправилна поставеност на бебето.
Појавата на карличната презентација е околу три проценти од сите раѓања. Пред 28. гестациска недела, околу 25 проценти од бебињата се во карлична пре-зентација. Како што бебето расте и зазема повеќе простор во празнината на матка-та, тежнее да заземе главична презентација, која најдобро одговара на обликот на матката. До 34. гестациска недела, најголем дел од бебињата веќе имаат заземено главична позиција. Се смета дека оние бебиња што се во карлична презентација во 36. гестациска недела, најчесто до породувањето остануваат во истата полож-ба.
Три вида карлично
Најголем дел од раѓањата во карлична презентација, всушност, се случува-ат кај предвремените породувања, околу шест проценти од вкупните породувања. Дел од раѓањата во карлична презентација може да бидат поврзани и со некоја конгенитална аномалија, која влијае врз позицијата на бебето или на неговата спо-собност да се движи во матката.
Разликуваме три вида карлична презентација: чиста карлична, комплетна и некомплетна карлична. Чиста карлична презентација е кога карлицата на бебето е во најдолната точка на празнината од матката, а нозете му се испружени кон горе. Комплетна карлична презентација е кога карлицата на бебето заедно со свиткани-те ножиња е најниско поставена, а некомплетна карлична или ножна е кога некој дел од ногата на бебето, колено или стапало, е пониско спуштен од карлицата на бебето. Вашиот доктор најчесто ја дијагностицира карличната положба на вашето бебе со помош на ултразвук. Во подоцнежниот тек на бременоста со палпација на матката преку стомакот може да се напипа тврда и округла структура во погорните делови, кај ребрата на мајката, што всушност е позицијата на бебешката глава. На вагинален преглед се напипува бебешката карлица или бебешките ножиња.
Постапки за вртење на бебето
Доколку главата на бебето не се намести во дното на мајчината карлица до 34. недела од бременоста, може да се практикуваат постапки за да се помогне промената на положбата на бебето од карлична во главична или да се води поро-дувањето со карлична презентација.
Позициска техника. Една едноставна положба може да & помогне на бре-мената пациентка да ја смени положбата на бебето. Потпрена на колена и на ла-кти, со предниот дел на телото спуштен кон подот, двапати дневно по 15 минути. За една недела се постигнуваат одлични резултати, кои се докажани во клиничката практика. Во студија спроведена во Индија, дури 95 проценти од карличните по-ложби на бебето се промениле во главични.
Надворешна главична верзија (превртување). Надворешна главична верзија е постапка која може да се примени по навршената 37. недела на бреме-носта од страна на акушерот. Таа постапка се изведува во болница, вклучува да-вање лекарства за релаксација на матката, манипулација со бебето преку стома-кот на мајката и контрола со ултразвук. Акушерот се обидува полека да ја смени положбата на бебето, односно да ја подигне бебешката карлица кон горниот дел, а да ја спушти главата на бебето кон карлицата на мајката. Потоа се контролира со-стојбата на бебето, односно работата на бебешкото срце со помош на кардиотоко-графија. Ако с$ е во ред, бремената пациентка оди дома, и се чека спонтано почну-вање на породувањето на сега веќе главично поставеното бебе. Доколку има зна-ци за влошување на состојбата на бебето, раѓањето се завршува веднаш по опе-ративен пат, односно со царски рез. Успехот на надворешната верзија во светски рамки е околу 75-80 проценти.
Породување при карлична презентација. Бремените пациентки со бебе во карлична презентација може да се породат спонтано или со царски рез. Во мно-гу болници, докторите на сите пациентки им препорачуваат породување со царски рез. Сепак, тоа не би требало да биде правило зашто ако се почитуваат критериу-мите за успешно вагинално породување, голем дел од овие бебиња ќе се родат по вагинален пат. Потребните критериуми се: бременост над 36 недела, чиста или комплетна карлична презентација, флектирана глава на бебето, проценета тежина од 2.500 до 3.800 грама, задоволителна големина на мајчината карлица што се проверува со магнетна резонанца или со претходно породување, искусен акушер и обезбеден анестезиолог. Доколку се решат на вагинално породување, најголем дел од пациентките и се породуваат вагинално, околу 70 проценти.
Како јасни причини за породување со царски рез би биле предвремените карлични породувања, каде што главата е релативно поголема од телото, ножните презентации, нефлектирана глава на бебето, проценето големо бебе, тесна мајчи-на карлица и пролабирање на папочната врвка откако ќе прснат плодовите обви-вки.
Пишува м-р Глигор Тофоски,
Гинеколог-акушер од Клиниката за гинекологија и акушерство
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
цело време беше така свртено и на крајот си ја намести главичката за излегување до последен момент има надеж не се секирај 
карлично.Неколку пати нежев на колена и на лакти со спуштен преден дел на телото(инаку оваа положба ми помага и за олабавување на грбот и кога ме боли половината) и вчера мислам дека се сврти.Сетив по тоа што утрото икаше и го сеќавав горе десно,а ниќеска пак икаше и го сеќавав доле лево.Денес пак сеќавам твро округло горе десно каде што претходно беше глевчето,а таму на ќерката и беше газето.Некој да има идеја како да распознаам дали е газе или глевче?Сега не ми се оди само за тоа на преглед.
