Сега веќе ги одбројувате последните часови? Веќе од се ви е доста? Ве интересира какво бебе ќе добиете.

Многу трудници пред крај на бременоста во нозете и вагината повремено чувствуваат како да им поминува блага струја или ги пече по должина на нозете. Тоа не е ништо опасно, плодот притиска одредени нерви.

Сега веќе можат да се појават и лажни контракции кои можат да бидат многу силни. Главната разлика меѓу вистинските и лажните контракции е во нивните интервали. Вистинските следуваат една по друга во редовни интервали, а лажните не. Другата разлика е во местото на контракциите. Вистинките контракции секогаш почнуваат на врвот на матката, а потоа се шират низ целата матка, додека лажните можете да ги почувствувате на различни делови: грбот, крстот, карлицата. Вистинските ќе ги препознаете и по тоа што тие стануваат се појаки и подолги. Контракцијата треба да трае барем 50 секунди, за да може да се дефинира како вистинска.

Повеќето мајки се одлучуваат да го дојат своето новороденче, а само мал дел носат одлука да го хранат со шишенце. За да ве наведеме да размислите убаво пред да донесете одлука, ќе ви го кажеме само следното: доењето е природен начин на хранење на новороденчето.

Доењето е наједноставен и најздрав начин на хранење на бебето, иако првите денови нема да се сложите со теоријата дека тоа е едноставна работа. Како и секоја друга нова работа и за доењето ви се потребни вежби и вам и на бебето. Голем број од новите мајки на почетокот ги болат брадавиците, на некои дури и пукаат, затоа не чекајте да се појават болки, туку веднаш мачкајте ги со Бепантен крем, односно слични креми кои се дел од опремата за во породилиште.

>>  Плод во 38. недела
>>  Тато во 38. недела