Во последните недели од бременоста не смеете да заборавите на физичката активност на идната мајка. Иако на неа нема да и биде до ништо друго, освен до барање соодветна положба во која ќе се чувствува пријатно пред телевизорот барем неколку минути, ваша задача е да ја помолите за шетање. Можеби брзо ќе ја убедите доколку ја поканите на сладолед, или уште подобро на чај или сок. Можеби повеќе и одговара вежбање во вода. Но доколку не сте знаеле во центрите за вежбање се организираат посебни вежби за трудници. Тие меѓусебно се разликуваат, па затоа распрашајте се кои би и одговарале најмногу на вашата трудница.

Накратко, на мама никако не и дозволувајте да залегне. Кај породувањето, многу добро влијае физичката активност. Како што веќе кажавме, породувањето е физички прилично напорно, затоа на мајката добро ќе и дојде секој атом сила.

>>  Мама во 29. недела
>>  Плод во 29. недела