На што ве потсетува вашиот стомак? Некои мамички велат дека исто како да изеле фудбалска топка, а некои лубеница, накратко, секоја има свои споредби. Можете малку да си играте и да барате свои асоцијации.

Големата матка која сега достигнува дури 6 см над папокот ги притиска грбот и градите. Тоа може да предизвика болка во грбот и нозете која можете да ја почувствувате во вид на пецкање по нозете или меѓу нозете. Кога ќе се појават болки, доколку можете, дозволете си одмор или освежувачка купка, а ако ви годи на болното место ставете ладен облог.

Ако повремено почувствувате краткотрајно грчење на матката, не паничете. Како што веќе кажавме, се работи за таканаречените Braxton-Hicksovi контракции. Тоа се безопасни грчења на матката кои не се појавуваат во редовни интервали, а со нив матката се подготвува за породување. Доколку контракциите почнат да се јавуваат во редовни интервали, итно морате на преглед. И уште нешто, доколку вас нешто ве загрижува, не плашете се да одите кај докторот или да му се јавите. Се работи за вас и вашето дете.

>>  Плод во 26. недела
>>  Тато во 26. недела