Бебе и блуцкање

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Сепак, многу родители се загрижуваат кога ќе видат како нивното малечко враќа дел од млекото по хранење. Но, зошто всушност се случува ова?

Што е блуцкање?

Блуцкањето е враќање на мала количина млеко од желудникот назад во устата, обично кратко време по оброкот. За разлика од повраќањето, тоа не е насилно и не е поврзано со болка или непријатност кај бебето.

Причини за блуцкање

1. Незрел дигестивен систем
   Желудникот на новороденчето е многу мал, а мускулот што го затвора. познат како долен езофагеален сфинктер, сèуште не е целосно развиен. Ова значи дека млекото полесно се враќа нагоре.
2. Голтање воздух при хранење
   Ако бебето голта воздух додека цица или пие од шише, тој воздух може да го турне млекото нагоре при подригнување.
3. Прекумерно хранење
   Ако бебето изеде повеќе млеко отколку што може да преработи, вишокот едноставно се враќа назад.
4. Активност по оброк
   Лежање на стомак, многу движење или притисок на стомачето по јадење може да ја зголеми шансата за блуцкање.

Кога блуцкањето e нормално?

Во најголем број случаи, блуцкањето е дел од нормалниот развој и исчезнува до 6-12 месеци, кога дигестивниот систем созрева. Ако бебето добро напредува, добива на тежина и изгледа задоволно, нема причина за грижа.

Како да го намалите блуцкањето?

-      Хранете го бебето во полуседечка положба

-      Нека подригнува на секои неколку минути при хранењe

-      Избегнувајте играње или силно движење веднаш по јадење

-      Облекувајте го во удобна облека без стегање на стомачето

Кога да се побара совет од лекар?

Ако блуцкањето е придружено со: интензивно повраќање, губење тежина, знаци на болка или раздразливост, тогаш консултацијата со педијатар е неопходна.

Блуцкањето е нормална и честа појава кај бебињата, дел од нивниот раст и развој. Со малку трпение и правилни навики, оваа фаза ќе помине без проблеми.