/11 /11

Играчките се многу важни и корисни за развојот на бебето. Им помагаат во усовршувањето на стекнатите вештини и ги прават среќни нашите најмили.
Новата играчка е одлична забава,која истовремено ги стимулира сетилата за вид,слух и допир, како и кордираноста и моториката на вашето бебе.

Но сепак, потребно е да се внимава при изборот на играчката за вашето бебе. Играчката треба да е соодветна за возраста, да е интересна, стимулирачка и најважна од се е нејзината безбедност:

Соодветна големина

Не смее да биде многу мала, или да содржи мали делови кои може да бидат проголтани од страна на Вашето дете.

Изработка и конструкција

Важно е да внимавате играчките да бидат изработени од нетоксични материјали

Солидна конструкција - играчката да нема остри рабови од кои може да се повреди детето

Лесно одржување

Играчките треба често да се мијат бидејќи постојано се стваат во устата од страна на децата.

Без врвки и продолжетоци

Играчките да бидат без врвки и други продолжетоци кои би можеле да предизвикаат давење.

Внимавајте на материјалот

Обрнете внимание играчките да не се направени од материјал кој е лесно кршлив или запалив.

Боја и тежина

Препорачуваме играчките да се во весели колорни тонови и да се лесни во нивната тежина, како не би го повредиле детето.

Внимавајте на звукот

Да не се со силен и продорен звук, туку со пријатен и нежен звук кој не претставува опасност за слухот на детето.

Најмилата и најсакана играчка

Родители секогагаш учествувајте во играта на вашето дете, бидејќи за него вие сте најмилата и најсакана играчка.

д-р Катерина Дамевска