/11 /11

Истражувањата покажуваат дека тоа не било случај пред само неколку децении, бидејќи ритамот на живот бил по бавен, па жените на седумдесеттите и осумдесеттите години, полесно го поминувале мајчинството отколку денес. Денешните мајки мораат да жонглираат меѓу работните и мајчинските обврски, а време за себе скоро и да немаат. И покрај тоа, мајките денес имаат грижа на совест и дури 88% од нив сметаат дека не поминуваат доволно време со своите деца.

Едно истражување на британските психолози, кое опфатило 1.000 мајки, покажало дека една третина од нив сметаат дека  имаат помалку време за себе од нивните мајки. Стручњаците прецизно пресметале дека жените себе си посветуваат 26 минути дневно, односно три часа неделно.

Освен тоа, 64% од мајките сметаат дека најголем виновник за недостаток на слободно време е нивната работа, а една третина признаваат дека живеат под хроничен стрес и настојување да бидат добри мајки. Просечна вработена мајка во Европа на своето дете му посветува се на се' 81 минута дневно, додека мајките кои не работат само на децата секојдневно трошат по 2,5 часа.