Бебе во пелени

/11 /11

Иако на родителите понекогаш може да им изгледа чудно или загрижувачко, промените во бојата и конзистентноста често се нормален дел од растењето. Еве што може да значи секоја боја:

Жолта столица

Најчеста кај новороденчиња што се дојат. Обично е течна или со зрнеста структура, што е сосема нормално и знак дека бебето добро го вари мајчиното млеко.

Зелена столица

Може да се појави кога бебето прима повеќе адаптирано млеко коe е побогато со лактоза, при мали вирусни инфекции или при воведување на нова храна, како и доколку мајката јадела одредена храна како спанаќ, брокула, грашак и слично. Ако нема други симптоми, не е причина за загриженост.

Кафеава столица

Типична за бебиња кои се хранат со адаптирано млеко или кога започнува дохрана. Оваа боја обично укажува на нормално варење.

Црвена столица

Може да биде резултат на консумација на цвекло или храна со црвени пигменти, но понекогаш укажува и на траги од крв. Во тој случај е потребна консултација со педијатар.

Црна столица

Кај новороденчиња во првите денови (мекониум) е нормална. Но, доколку подоцна се појави црна столица, тоа може да сигнализира присуство на крв во горниот дел на дигестивниот тракт. Во тој случај веднаш побарајте лекар.

Бела или сива столица

Ова е редок, но важен знак. Може да укажува на проблеми со црниот дроб или жолчните канали. Неопходно е веднаш да се консултирате со педијатар.

Иако столицата кај бебињата може да варира во боја и конзистентност, постојат случаи кога таа е предупредувачки сигнал. Родителите треба да знаат кои нијанси се вообичаени, а кога е време за лекарска проверка.