/11 /11

Најубавиот подарок кој го добиваме е времето кое можеме да го поминеме со нашите деца и надеж дека добрите моменти ќе заменат се што е лошо.

Еве неколку најомилени моменти во мајчинството:

Моментот кога детето е само мала точка во гужвата.

Тоа е моментот кога го чекате детето пред училиште, заедно со останатите родители, а неговото лице ќе светне кога ќе ве здогледа. Тогаш срцето ќе ви се стопи од среќа.

Кога го ставате детето во кревет

Овој момент кога детето се бори да не заспие, за да ве гледа што подолго. Моментот кога полека ги склопува очињата е најслаткиот момент.

Неочекувано покажување емоции

Кога детето изненадно ќе ве фати за рака, или кога на јавно место сосема неочекувано ќе ве прегрне силно и ќе ве бакне. Тогаш се чувствувате како најголемата ѕвезда пред публика.

Набљудување на нивните обиди

Било да е тоа обид да се изеде овошјето кое сте му го дале, а не сака, или обидот да ги облече чевлите. Сите тие обиди ве прават горда.

Кога сте му единствената личност која ја сака во некој момент

Кога детето е расплакано или луто заради некоја ситуација, а вие сте му единствен извор на удобност и сигурност.