| 61 - 72 рецепти од 82 | Страница: | 1 | << | ... | 4 | 5 | 6 | 7 |
Штипски пастрмајлии >
Сосотојки:
- 1 кг. брашно
- свинска удина
- 200 гр. маст
- 4 јајца
- пакетче квасец (25 грама)
Упатства:
Додајте го растопениот квасец во брашното и со вода замесете средно меко тесто. Изработете го добро тестото и оставете го некое време да постои за да скисне. Потоа разделете го тестото на 4 еднакви дела, секој дел посебно расплескајте го како за не многу голема погача.
Исечете го месото на ситни парчиња, посолете го и разделете го на 4 дела и ставете го на четирите пастрмајлии. Распоредете го месото врз целите кори, околу секоја кора направете витка од тестото, врз месото ставете парчиња маст и ако сакате црвен пипер. Ставете ги вака подготвените пастрмајлии во рерна да се печат на 250 степени. Откако ќе се потпечат малку на секоја пастрмајлија ставете по едно изматено јајце и вратете ги во рерната да се испечат. Се сервираат топли.
Време потребно за подготовка: 120 минути
<< Сокриј го рецептот
Грчки колбаси во сос >
Сосотојки:
(За колбасите):
500 гр мелено месо
2 кришки леб, без корките (натопени во малкуцрвено вино и исцедени)
1 главица кромид, ситно сечкана
3 чешниња лук, ситно сечкани
1 јајце, изматено
3 лажици свеж магдонос, ситно сечкан
1 лажиче кумин
сол, бибер
(За сосот):
2 лажици маслиново масло
1 главица кромид, ситно сечкана
400 гр домати (или пелати)
2 чешниња лук, ситно сечкани
пола лажиче цимет
сол, бибер
Упатства:
Прво, подгответе го сосот. Во тавче на оган ставете го маслото да се загрее на средна температура. Ставете ги кромидот и лукот и пржете додека да станат безбојни. Додадете ги доматите и зачините. Измешајте и оставете да крчка 25 минути, додека малку да се згусне. Потоа, направете ги колбасите така што сите состојки потребни за нив ќе ги ставите во длабок сад. Со рака измешајте ја целата смеса и сите состојки. Смесата ставете ја во фрижидер да отстои околу еден час. По еден час, формирајте колбаси со должина и дебелина по желба. Колбасите намачкајте ги со малку маслиново масло од сите страни и ставете ги во загреано тавче да се пржат, односно да фатат убава боја од сите страни. Кога ќе добијат убава кафена боја, префрлете ги во садот со сосот и гответе ги уште 10 минути на ниска температура, се убаво да искрчка. Сервирајте ги со варен ориз, компир салата, пржени компирчиња...
Време потребно за подготовка: 120 минути
<< Сокриј го рецептот
Сарма од штавел >
Сосотојки:
- две главици кромид
- 1/2 кгр. мелено месо
- ориз
- бибер
- сол
- буковец
Упатства:
Две глави кромид ситно се сецкаат и се пржат во малку масло. Пред да почне да се вцрвенува кромидот се додава половина кило мелено месо кое најдобро е да биде 70% телешко и 30% свинско. Се пржи околу десетина минути додека месото не ја изгуби црвената боја и постојано се меша за да кромидот и месото добро се измешаат. Потоа во тавата се додава една чаша ориз и се пржи уште 5-6 минути. Смесата се зачинува со бибер, сол и малку буковец по желба.
Виткање на сармите.
Листовите зелка се приготвуваат така што им се одстранува тврдиот дел. Се обаруваат со врела вода неколку минути, додека не омекнат. На еден лист се става по една супени лажица од меленото месо и се виткаат сармите. Потоа сармите се редат во тенџере. Тенџерето се налива со вода додека сармите не се потопат со вода. Се вари еден час на тивок оган.
Се сервираат со кисело млеко.
Време потребно за подготовка: 120 минути
<< Сокриј го рецептот
Тава со свинско месо >
Сосотојки:
- 500 гр свинско месо;
- 600 гр компири;
- 4 лажици свинска
маст;
- 1 главица кромид;
- 1 пиперка;
- 1 дл бело вино;
- црвен пипер;
- 2 јајца;
- 3 дл павлака;
- сол;
- црн пипер.
Упатства:
Месото се сече на парчиња и се динста.
Во тава малку се пропржуваат компирите
исечени на коцки, ситно исечканиот
кромид и пиперката, а потоа се става
месото. Во тоа се додаваат свинска маст,
црвен пипер, сол, црн пипер и се прелива
со бело вино. По потреба се додава и
вода. Се става во рерна да се пече и пред
крај јадењето се прелива со изматените
јајца и павлаката. Сe тоа уште малку се
запекува.
Време потребно за подготовка: 120 минути
<< Сокриј го рецептот
Свинска коленица со кисела зелка >
Сосотојки:
- 2 свински коленици;
- кромид;
- целер;
- магдонос;
- црвен пипер;
- црн пипер;
- ловоров лист;
- ? кг кисела зелка;
- компири;
- масло
Упатства:
Свинските коленици се стават во
тенџере со вода и се додаваат целер,
магдонос, ловоров лист, црвен и црн
пипер. Сe тоа се вари. Посебно се
пржи исечканиот кромид, во кој се
додаваат зелката и варената
коленица. Сe тоа се крчка и
повремено се додава водата во која
се варела коленицата. Компирите се
сечат на четири дела и посебно се
варат. Потоа се додаваат во готовата
коленица.
Време потребно за подготовка: 120 минути
<< Сокриј го рецептот
Сарма >
Сосотојки:
- 500гр. Свинско месо (мелено)
- 250гр. Говедско месо (мелено)
- 200гр. Свински ребра
- 200гр. Сува сланина
- 50гр. Ориз
- 1-2 Глави кисела зелка
- 1 глава кромид
- 1 јајце
- 1 лажица црвен пипер
- 1 лажица брашно
- Сол
- Ловоров лист
Упатства:
1. Припремете ги листовите од киселата зелка во која ќе се ставаат сармите. Внимателно извадете ги листовите од главата за да не се изресат. Одвоените листови оставете ги да стојат во ладна вода за да излезе солта која е повеќе од доволно. Пред виткање на секој лист исечете му го делот каде што се здебелува.
2. Ситно исецкајте го кромидот и пропржете го на малку маснотија, а потоа додадете му го меленото месо и уште малку заедно пржите.
3. Посолете го месото, наросете го со црвен пипер, додадете го оризот и добро измешајте, тргнете го од оган, а потоа додадете јајце.
4. На дното на подлабок сад ставете ги оние делови од зелката кои неможете да ги употребите за да завиткате сарма. За виткање на сармите користете листови со средна големина, во секој лист ставете по една лажица од претходно припремената смеса и изролајте ги во вид на сарма. Наредете ги сармите во круг така за да во средината ви остане мал празен дел за да можете да го додадете финишот.
5. Сланината и сувото месо исечете ги на мали парчиња и ставете ги измеѓу сармите. Кога ќе ги наредите сите сарми додадете ловоров лист, на крај прекријте ги сармите со листовите што ви преостанале.
6. Налејте ладна вода и гответе на среден оган околу 3 часа. Од брашното и црвениот пипер направете го финишот и прелејте го преку сармите, продолжете да ги крчкате уште половина час.
Време потребно за подготовка: 120 минути
<< Сокриј го рецептот
Деликатесен гулаш >
Сосотојки:
* 500 г говедско месо
* 2 лажици вегета
* 50 г пушена сланина
* 50-100 мл бело вино
* 100 г (кромид)
* 500 г млади компири
* 2 лажици масло
* 250 г печурки
* 1 лажичка шеќер
* 1 лажица густин
* 1 1/2 лажичка црвен пипер
* малку магдонос
Упатства:
Исечете го говедското месо на коцки, и посолете со вегета па оставете да отстои на кратко.
Во тавче додајте масло и испржете ја ситно сечканата сланина а потоа и месото. Истурете вино и варете околу еден час со повремено додавање на вода.
Во посебен подлабок сад со преостанатиот зејтин пржете ги исечените компири во помали парчиња, додадете исечени печурки во квартали, црвениот пипер, шеќерот, и кога течноста ќе испари, додадете шеќер, добро измиениот и исечкан кромид и црвениот пипер.
На крај во садот додадете го говедското месо и оставете да се готви уште 20-30 минути.
На крајот месото прелијте го со вода (околу 500 мл), додадете густин исмешан со малку вода во садот и посипете со исецкан магдонос.
Време потребно за подготовка: 120 минути
<< Сокриј го рецептот
Карамелизирано медено свинско месо >
Сосотојки:
2,5 кг цело парче чадена шунка
? чаша каранфилче
? чаша сируп од темен пченка
2 чаши мед
2/3 чаша путер
Упатства:
Загрејте ја рерната на 170 степени. Направете засеци по целата должина на парчето шунка, па истото повторете го и од другата страна за да добиете ромбоидна форма. Ставете го целото каранфилче во процепите за да му дадете вкус на месото.
Загрејте ги сирупот од пченка, медот и путерот на пареа. Мешајте додека целосно не се измеша. Откако путерот целосно ќе се стопи, тргнете го од оган. Посипете го месото со сосот за глазура. Се става во рерна да се пече околу 1 час. Месото вадете го на секои 10-15 минути за повторно да го прелиете со сосот.
Во последните 4-5 минути од печењето зголемете ја температурата за уште подобро да се карамелизира. Оставете го месото да одмори малку пред да го послужите. Отстранете ги каранфилчињата.
Време потребно за подготовка: 120 минути
<< Сокриј го рецептот
Лазањи >
Сосотојки:
Бешамел
7,5 дцл. млеко
3 коцки путер
3 лажици брашно
1 лажица сол
1 пакетче шармезан
Месо
1/2 кгр, мелено месо
1 лажица вегета
1 ловоров лист
1 чепне лук
1 главица кромид
1 лажица црвена пипер
сол
бибер
1 лажица доматен сос
2 лажици маслиново масло
Кори
8 barilla кори за лазањи (не треба да се варат)
Упатства:
Издинстајте го кромидот и лукот, па додадете го месото. ставете гхо да се динста на тивок оган во водата од месото. Додајте ги зачините и добро измешајте. Месото треб ада се динста отприлика еден час со постојано додавање на вода.
За бешамел: Во ладно млеко додадете го путерот, брашното и солта. Ставете го на оган и цело време мешајте додека не се згусни. Кога ќе биде готов сосот додадете 1 кесичка пармезан.
Намастете го дното на огноотпорниот сад и ставете: 2 кори кои само малку ќе ги ставите во топла вода, 1/3 од месото и неколку лажици бешамел. Направете така три пати. На последните кори само излијте го остатокот од бешамелот.
Печете на 180 C околу 20-тина минути.
Време потребно за подготовка: 140 минути
<< Сокриј го рецептот
Пикантна пајка >
Сосотојки:
2 кг пајка
250 гр.круши
250 гр.компот од кајсии
1 ч.л.црвен пипер
1 ч.л. мајчина душица
1 с.л.брашно пченкарно брашно
1 прстофат црн пипер
1 ч.л.сол
Упатства:
Посолете ја пајката (претходно исчистена) однадвор и одвнатре. Исцедете ги крушите и кајсиите и наполнете ја пајката со нив.
Заврзете и ги нозете и крилата, посипете ја со црвен пипер и мајчина душица. Ставете малку вода во огноотпорен сад со капак и ставете ја пајката во него.
Печете 1 1/2 часа во рерна на 225 С. Исечете ја готовата пајка на порции.
Во маснотијата запржете брашно, додадете вода, сол и зачини и оставете да се згусне. Сервирајте како додаток.
Време потребно за подготовка: 150 минути
<< Сокриј го рецептот
Ловџиски суџук >
Сосотојки:
свинско месо - 2 кг
говедско месо - 2 kg
сланина - 1 кг
сол - 125 г
црн пипер - 10 г
Јенибар - 10 гц
црвен пипер - 10 г
шеќер - 1 лажица
свински црева за полнење
Упатства:
Се сечка месото на ситно, се додаваат сол и зачини и добро се промешува. Оставете го да отстои преку ноќ. Наполнете ги со смесата измиените црева, но без да стегате многу.
Исечете ги цревата на одделни пократки суџуци. Наредете ги на табла и потиснете ги со друга потешка табла одозгора. Оставете ги да отстојат така 2 дена, по што наредете ги да се сушат на промаја.
Време потребно за подготовка: 150 минути
<< Сокриј го рецептот
Турлитава >
Сосотојки:
1 кг. мешано месо
компир, домати, пиперки
кромид, бамји
модар патлиџан, боранија
1 главичка кромид
масло за јадење,сол
црвен мелен пипер
црн пипер
Упатства:
Месото се сецка и се пржи на масло за јадење. Зеленчукот се сецка поситно, се додава на месото со уште малку масло за јадење и вода. Треба да се додаде доволно вода за да се свари смесата, а сепак после печењето не остане многу. Се додаваат зачините и се подварува кратко. Потоа се става во тава и се пече на 200 степени целзиусови околу час и половина. Во текот на печењето се промешува два до три пати. Јадењето е готово кога ќе добие црвено златна кора.
Време потребно за подготовка: 150 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
