Тортиљи со пилешко месо Прикажи го рецептот >>

Тортиљи со пилешко месо >

Сосотојки:
Потребно е 1 пакување тортиљи 500 гр. пилешки гради 200 мл. кисела павлака 200 гр. кашкавал 200 гр. доматен сос оригано босилек сол бибер

Упатства:
Пилешкото месо исецкајте го на коцки и продинстајте. Кога ќе добиете златна боја, додадете го доматното пире, солта и зачините, промешајте па тргнете го од рингла. Додадете павлака и добро промешајте. На половина тортиља нанесете го пилешкото месо и сосот и ставете рендан кашкавал. Потоа тортиљите прицврстете ги со чечкалица. Печете во загреана рерна на 200 степени околу 10 минути. Наздравје!

Време потребно за подготовка: 60 минути

<< Сокриј го рецептот

Тиквички на грчки начин Прикажи го рецептот >>

Тиквички на грчки начин >

Сосотојки:
Состојки: 1 главица стар кромид, половина главица лук, 300 грама мелено месо, 100 грама варен ориз, 4 тиквички, 3 домати, 4 лажици маслиново масло, 30 грама сечкани бадеми, 30 грама суво гозје, малку сол и црн пипер, малку ким и цимет, малку црвен пипер, 1 100 грама кашкавал.

Упатства:
Кромидот и лукот ситно се сечкаат, се мешаат со меленото месо, бадемчињата и сувото грозје. Се додаваат зачините, сол, црн пипер, црвен пипер, ким и цимет. Потоа се мијат тиквичките, се сечат на половина, се длабат со помош на лажица. „Месниот“, издлабениот дел од тиквичката се става во посебен сад. Во меѓувреме оризот се вари, и кога изгледа омекнат, на самиот крај се додавава „месниот“ дел од тиквичките за малку да омекне (1 минута). Оризот и мекиот дел од тиквичките се додаваат на садот со месо, кромид, лук и зачини. Ги сечкаме доматите на ситни парченца и ги додаваме во смесата. Се добро се меша, а потоа со смесата ги полниме издлабените тиквички. Наполнетите тиквички ги редиме во сад за печење. Ги полеваме со маслиново масло и ги ставаме во загреана рерна. Печеме на 200 степени 35 минути. Во меѓувреме го рендаме кашкавалот. Малку пред да бидат готови печените полнети тиквички, ги наросуваме со кашкавал и печеме уште малку додека кашкавалот не се стопи. Ги сервираме топли и ги украсуваме со сечкан магдонос.

Време потребно за подготовка: 60 минути

<< Сокриј го рецептот

Пилешки ролати филувани со сирење Прикажи го рецептот >>

Пилешки ролати филувани со сирење >

Сосотојки:
1 кг пилешко филе 400 г сланина 300 г сирење (фета или друго, по ваш вкус) Сол, црн пипер, останати зачини – по вкус Масло Гранче рузмарин или босилек Се печат во загреана рерна на 180-200 степени, 30-40 минути

Упатства:
Месото се чука и се полни со фета сирење. Секој ролат се витка во парчиња сланина. Ролатите се печат во загреана ретна. Добар апетит!

Време потребно за подготовка: 60 минути

<< Сокриј го рецептот

Ролат со пилешко месо и леб Прикажи го рецептот >>

Ролат со пилешко месо и леб >

Сосотојки:
Пилешки гради 400 гр брашно 400 грпрезла 4 јајца 200 мл масло за пржење 1 голем багет 10-12 парчиња моцарела 65 гр растопен путер 3 чешниња лук 1 лажица сечкан магдонос 1 лажица пармезан

Упатства:
Исечете ги пилешките гради на парчиња со дебелина од околу еден сантиметар. Убаво поминете ги во брашно, изматени јајца и презла. Парчињата пилешко месо испржете ги во врело масло додека да добијат златно-жолта боја. Багетот исечете го на три или четири еднакви делови, со големина на прженото пилешко. Од багетот извадете ја меката средина и внатре ставете ги парчињата пилешко кои сте ги замотале во моцарелата. Така подготвениот багет исечете го на парчиња широки околу 2,5 сантиметри. Преку лебот намачкајте сос од путер, магдонос, лук и пармезан. Замотајте ги парчињата багет во алуминиумска фолија и ставете да се пече во претходно загреана рерна на 180 степени околу 20 до 25 минути.

Време потребно за подготовка: 60 минути

<< Сокриј го рецептот

Ролат – Добрата снаа Прикажи го рецептот >>

Ролат – Добрата снаа >

Сосотојки:
600 гр. Пилешки стек 400 гр. Спанаќ 5 јајца 400 гр. Сирење 1 с.л. брашно Сол Црвена пипер

Упатства:
Спанаќот се чисти и се бланшира. Се мешаат јајцата со сирењето, се додаваат 1-2 лажици брашно, а потоа и спанаќот. Се додаваат зачини. Пилешкиот стек се чука и на него се распоредува филот. Се витка во ролат и се става во намастена тава, а потоа се покрива со фолија. За да не се растури може да му се стават 1-2 чечкалици.

Време потребно за подготовка: 60 минути

<< Сокриј го рецептот

Пилешки ражничи со зеленчук - кромид, тиквички и чери домати Прикажи го рецептот >>

Пилешки ражничи со зеленчук - кромид, тиквички и чери домати >

Сосотојки:
200 г пилешко месо 1 тиквичка 100 гр чери домати 1 главица кромид 100 гр печурки 1/2 лажиче црн пипер 1 лажиче оригано сол 30 г путер

Упатства:
Тиквичката се сече на тркалца, а чери доматите и печурките се мијат темелно и се оставаат да се исушат. Кромидот се лупи и сече на четвртинки. Пилешкото месо, се сече на коцки. На дрвени раженчиња се набодува месото и зеленчукот. Посипете со зачините и премачкајте ги состојките со путер. Ражничите се печат на скара од сите страни додека поруменат.

Време потребно за подготовка: 60 минути

<< Сокриј го рецептот

Полнети компири Прикажи го рецептот >>

Полнети компири >

Сосотојки:
7-8 средни компири 1 парче пилешки стек 2 страка праз 1 сува пиперка 1 морков (помал) 2 коцки за супа 2-3 гранчиња целер или магдонос сол, црн пипер

Упатства:
Се варат компирите, но не до крај, се длабат со лажица и се редат во земјена тава 2.Се сецка пилешкиот стек на коцки, се става во тавче да се запржи, потоа му се додава празот и морковот, сецкани на поситно и се пржи уште малку. 3.Се полнат компирите со смесата, остатокот се става помеѓу компирите, се залева со водата во која се вареа компирите, на која и додаваат две коцки за супа. 4.Се сецка една сува пиперка и целерот или магдоносот, се ставаат врз компирите и тавата се става во рерна да се запече.

Време потребно за подготовка: 60 минути

<< Сокриј го рецептот

Овчарска пита со јагнешко месо, печурки и моркови Прикажи го рецептот >>

Овчарска пита со јагнешко месо, печурки и моркови >

Сосотојки:
4-5 големи компири 500 гр мелено јагнешко 1 кромид, сецкан 12 печурки, сецкани 2 моркови, исечени на парчиња 1 коцка јагнешка супа 1 лажица Ворчестер сос 400 гр бел грав, варен 400 гр сецкани домати 3 лажици соја сос 1 лажица путер 60 мл свежо млеко

Упатства:
Исчистете ги компирите и исечете ги на парчиња. Ставете ги да се варат во солена вода. Откако ќе се сварат исцедете ги. Во тава на средна температура, пржете го јагнешкото месо со кромид, моркови и печурки. Мешајте постојано. Додадете Ворчестер и соја сос. Откако месото ќе зарумени, тргнете го од оган. Ставете го на дното на плех за печење. Додадете грав, супа (смачкана) и домати. Мешајте. Печете во загреана рерна на 220 степени додека компирот не се излади или околу 20 минути. Откако компирот се олади, исцедете го, додадете путер и млеко и пире додека не се изедначи. Извадете го јагнешкото месо и зеленчукот од рерната. Покријте со пире од компири. Вратете го во рерна уште 15 минути.

Време потребно за подготовка: 60 минути

<< Сокриј го рецептот

Пирошки со пилешко месо Прикажи го рецептот >>

Пирошки со пилешко месо >

Сосотојки:
650 гр. брашно 1/2 лажичка прашок за пециво 1/2 лажичка сол 50 гр. шеќер 6 лажици вода ладна 220 гр. путер исечен на мали коцки 1 лажица павлака 1 жолчка Фил: 600 гр. пилешки гради исечени на мали коцки 100 гр. компир исецкан 100 гр. морков исецкан 100 гр. грашок 50 гр. суво грозје 1 кромид ситно исецкан 4 чешниња лук испасиран 2 лажички шеќер 2 лажици соја сос 50 мл. вода масло сол и бибер

Упатства:
Во тава додадете малку масло и пропржете ги лукот и кромидот. Додадете го пилешкото и продолжете со пржење додека да добие златно жолта боја. Потоа додадете компири, моркови, соја сос, сол и црн бибер. Добро измешајте ја смесата и продолжете со готвењето уште 2 минути. На крај додадете суво грозје, грашок и шеќер и гответе уште 2 минути. Одстранете ја тавата од рингла и оставете ја смесата да се излади. Во сад измешајте брашно, шеќер, прашок за пециво и сол. Потоа додадете путер и почнете со месење на тестото постепено додадавајќи вода. Откако тестото ќе се формира, разделете го на околу 15 топчиња и оставете го да отстои 30 минути. Со сукало развлечете го секое топче од тестото во форма на мини пица. Ставете на средина по 2-3 лажици од предходно подготвената смеса со пилешко месо. Преклопете го тестото на половина и добро притиснете ги рабовите за да се залепат. По желба можете и малку да ги подвиткате навнатре. Изматете една жолчка од јајце и една лажица павлака и со оваа смеса премачкајте ги пирошките. Ставете ги пирошките во тава и печете ги во предходно загреана рерна на 200 степени околу 20 минути, додека да добијат златно жолта боја. Послужете ги топли.

Време потребно за подготовка: 70 минути

<< Сокриј го рецептот

Домашни кебапи со ајвар Прикажи го рецептот >>

Домашни кебапи со ајвар >

Сосотојки:
– 750 грама мелено јунешко месо – 400 грама мелено свинско месо – 1 главица и 4 чешниња лук – 2 лажички сода бикарбона – 1 лажица црвен пипер – 1 јајце – 150 милилитри кисела вода – маслиново масло – 1 главица кромид – 1 китка магдонос – 6 тортиљи

Упатства:
Во голем сад ставете го јунешкото и свинското месо, потоа излупете и исецкајте четири чешниња лук. Додајте ја сода-бикарбоната, пиперот и зачините. Додајте јајце и со раце измешајте ја смесата, а потоа сипете кисела вода, за сето тоа да се соедини. Месото поделете го на 10 или 12 делови, а потоа секој дел обликувајте го во форма на колбас т.е. ќебап – нека биде долг околу 10 сантиметри, а широк околу 2 сантиметри. Ставете ги ќебапите на подмачкана тепсија, прекријте ги со фолија и оставете ги во фрижидер да отстојат. Печете ги на скара, или во тава на шпорет на средна температура, не подолго од 15 минути (или додека не се готови). Џејми предлага да ги послужите на топли тортиљи, премачкани со ајвар.

Време потребно за подготовка: 70 минути

<< Сокриј го рецептот

Штрудла од мелено месо Прикажи го рецептот >>

Штрудла од мелено месо >

Сосотојки:
600 гр брашно 1 пак. прашок за печиво 1/2 лажичка сол 150 мл кисело млеко 250 мл млеко на собна температура 100 мл масло 1 јајце За фил 500 гр мелено месо 1 главица кромид 1 пак. фант за ќофте 1 јајце грст ситно сецкан магдонос За премачкување 1 жолчка 2 лажици топла вода

Упатства:
1. Од наведените состојки измесете глатко тесто. Откако ќе го измесите, премачкајте го со 2 лажици масло и повторно премесете го. 2. Фантот спремете го спрема упатството. Кромидот изрендајте го. Додадете ги во меленото месо заедно со јајцето и магдоносот. Се убаво измесете. 3. Тестото поделете го на 3 исти делови и еден малку помал. Трите теста развлечете ги во еднакви правоаглони кори со дебелина од околу 3 мм (отприлика 15х25 или малку повеќе). Филот поделете го на 3 еднакви дела и премачкајте го врз секое од тестата. Наредете ги едно врз друго и внимателно завиткајте ги во ролат. 4. Ролатот префрлете го во плех обложен со пек-хартија и премачкајте го со растворената жолчка. Од четвртото тесто направете укрсани фигури за одозгора. Премачкајте ги и нив. 5. Печете во загреана рерна од 180 С 45 мин.

Време потребно за подготовка: 70 минути

<< Сокриј го рецептот

Пиле Кентаки Прикажи го рецептот >>

Пиле Кентаки >

Сосотојки:
10 пилешки копани 150 гр. Путер или маргарин 300 гр. Рендано тврдо сирење или кашкавал 1 цела лажичка вегета 3 полни лажици презла

Упатства:
Вклучете ја рерната и оставете ја да се загрее до 180 степени. Исчистете ги пилешките копани од кожата, не е потребно да ги солите. Растопете го путерот во мала тава за сос. Во голем сад изрендајте го сирењето / кашкавалот, додадете ја вегетата и презлата и промешајте ги состојките со раце. Земете парче месо и ставете го во садот со стопен путер да се премачка од сите страни, а потоа префрлете во садот со рендан кашкавал. Тркалајте го така секое бутче соодветно во маста и смесата со сирење, лебни трошки и зачини. Ставете го пилето во тава, не е потребно премачкување. Кога целото месо е уредено во плехот, залејте го со остатокот од стопен путер, а потоа посипете го со остатокот од смесата со сирење, лебни трошки и зачини. Ставете го пилешкото во загреана рерна и печете околу 50 минути, или додека не потемни.

Време потребно за подготовка: 80 минути

<< Сокриј го рецептот