Касато торта >
Сосотојки:
250 гр. путер
70 гр. какао
200 гр. шеќер во прав
1 јајце
160 гр. мелен кекс
160 гр. кршен кекс
1 лажица рум
0,5 дл. млеко
50 гр. чоколадо
чоколадна глазура
Упатства:
Во подлабок сад во компактна смеса се мешаат 250 гр. путер изматен со шеќерот во прав и останатите состојки, се формира ролат и се прелива со чоколадна глазура.
Глазура: 100 гр. чоколадо, 100 гр. шеќер, 1 дл. вода, 50 гр. путер се топат на тивко и веднаш се прелива тортата.
Време потребно за подготовка: 40 минути
<< Сокриј го рецептот
Касато торта II >
Сосотојки:
200 гр. сецкани ореви
200 гр. суво грозје
180 гр. сецкано желе
220 гр. сецкано чоколадо
500 гр. бисквити
1 дл. млеко
0,5 дл. рум
200 гр. шеќер во прав
250 гр. путер
3 жолчки
1 кесичка шлаг пена
Упатства:
Кексот се крши, се попрскува со млеко и рум. Посебно се мати путерот со шеќерот, па се додаваат сите останати состојки. Сето се соединува со кексот и се обликува како ролат, а се украсува со шлаг подготвен според упатството.
Време потребно за подготовка: 30 минути
<< Сокриј го рецептот
Кафеава торта >
Сосотојки:
За пандишпан
3 лажици брашно
8 лажици сечкани ореви
3 лажици какао
1 пециво
8 јајца
8 лажици шеќер
За фил
1 килограм млеко
4 пудинзи ванила
12 лажици шеќер
1 шлаг
1 маргарин
5 лажици какао
1 пакетче шеќер во прав
1 цимет
Упатства:
Ги матиме јајцата и шеќерот. Потоа се додаваат брашното, оревите, какаото и пецивото. Смесата се меша и се истура во тавче покриено со хартија. Печеме на 150 степени.
Во тенџере на оган се става млекото да врие и кога ќе почне да врие, се додава претходно изматен пудинг со малку млеко и шеќер. Посебно се матат маргаринот и шеќерот во прав, а посебно шлагот.
Кога ќе се излади пудингот ги додаваме во него шлагот, маргаринот со шеќерот во прав и циметот. Се декорира по желба.
Некои состојки може и да не се стават или да се сменат. Не мора да има ореви ( ако немате при рака ), не мора да се става шлаг во филот ниту пак цимет.
Секако со се е повкусно, но може и да се експериментира
Време потребно за подготовка: 80 минути
<< Сокриј го рецептот
Кекс куглоф >
Сосотојки:
4 јајца со 4 фил.шеќер се матат
3 фил.пресно млеко
2 фил.масло
6 фил.брашно
1 пециво
1 ванила
2лаж. какао
Упатства:
Се дели на два дела, едното да биде бело, а другото кафено, тестото се тура заедно и се пече
Откако ќе се испече се става шеќер во прав или може да се прелее со чоколадо (по желба)
Време потребно за подготовка: 40 минути
<< Сокриј го рецептот
Кекс со јаболка >
Сосотојки:
5 јајца
4 филџани шеќер
1 чаша брашно
1 филџан масло
1 филџан млеко
1 пециво
3-4 поголеми јаболка
сецкани ореви
мед
шлаг
Упатства:
Јајцата и шеќерот се матат, се додава брашно, пециво, масло, млеко.
Јаболката се лупат и се сечат на кругови. Се редат во намрснета тава (со маргарин и брашно), се става врз нив мед, и сецкани ореви. Се потпекува 10-тина минути на 180 степени, па се тура тестото, и се враќа во рерна.
Откако ќе се излади, се превртува јаболката да дојдат горе, и се става шлаг.
Време потребно за подготовка: 50 минути
<< Сокриј го рецептот
Киндер алва >
Сосотојки:
1 чаша масло за јадење
2 чаши пченкарен гриз
3 чаши шеќер (одбијте ако не сакате многу благо)
2 чаши вода
2 чаши млеко
1 кесичка ванилин шеќер
Упатства:
Во поголемо тенџере на оган се пржи гризот со маслото. Во друго тенџере се ставаат млекото,водата,ванилиниот шеќер и шеќерот. Додека го мешате гризот течноста во другото тенџере треба да зоврие и шеќерот да се растопи. Кога гризот сосем малку ќе зарумени се трга настрана и се додава зовриената течност. Мора да се меша брзо за да не се направат грутки. Алвата е готова кога ќе почне да се одлепува од рабовите на тенџерето. Половина се истура во плехче а на другата половина и се додава 60-70 гр чоколадо или какао.(по желба). Врз белиот се става црниот дел и откако кје се олади се сече на коцки.
Време потребно за подготовка: 40 минути
<< Сокриј го рецептот
Киндер обланда >
Сосотојки:
600 гр. млеко во прав
800 гр. шеќер
250 гр. маргарин
100 гр, чоколадо
3 листа обланда
Упатства:
Сварете шербер од шеќерот до 2 дл. вода, како за слатко. во друг сад изматете го маргаринот, додадете млеко во прав и матете додека смесата не се соедини.
Врелиот шербет ставете го во смесата од маргарин и млеко во прав и добро изматете.
Поделете ја смесата на два дела и во еднот дел додадете растопено чоколадо.
Оставете да се излади а потоа филувајте - обланда, кафен фил, обланда, бел фил и одозгора ставете лист обланда.
Пријатно!
Време потребно за подготовка: 40 минути
<< Сокриј го рецептот
Кинески пудинг од ориз >
Сосотојки:
* 250 г ориз
* 100 г шеќер
* 1 ванилин шеќер
* 1 лажичка рендана портокалова кора
* 100 гр суво грозје
За прелив:
* 200 мл вода
* 100 г шеќер
* 2 лажици сок од лимон
* 1 лажица густин
Упатства:
Сварете го оризот и процедете го.
Во топлиот, варен ориз, додадете го шеќерот, ванилиниот шеќер,кората од портокал и лимон и мешајте додека шеќерот се раствори.
Калапите за пудинг пудинг премачкајте ги со путер, на дното од калапите ставете измиено суво грозје, и наполнете ги калапите со ориз, па притиснете ги со лажица.
Калапите со оризот ставете ги на пареа да се сварат околу 30 минути.
Водата, шеќер и сок од лимон зовријте ги, а потоа додадете густин разматен во малку вода.
Варениот ориз, извадете го од калапот и прелијте го со подготвениот прелив.
Време потребно за подготовка: 60 минути
<< Сокриј го рецептот
Кифлички Пеперутки >
Сосотојки:
1 чаша нишесте (густин)
2 чаши брашно
150 грама маргарин на собна температура
1 кесичка ванилин шеќер
1 чаша шеќер во прав
1 ? лажица какао
1 јајце
1 лажиче прашок за печиво
Упатства:
Во длабок сад за месење ставете ги брашното, нишестето, маргаринот, ванилата, шеќерот, јајцето и прашокот за печиво. Од наведените состојки замесете тесто, а по потреба додадете вода.
Поделете ја смесата на два дела. Во едниот дел ставете го какаото и добро измесете. Оставете го тестото во ладилник за време од 30 минути.
Со сукало од секој дел исучете кора како што е прикажано на сликата.
Корите ставете ги една врз друга и формирајте ролат.
Ролатот поделете го на два еднакви дела.
Двата ролати ставете ги еден покрај друг и сечете парчиња. (Следете ги инструкциите на сликите).
Парчињата редете ги во тава обложена со хартија за печење и малку притиснете ги странично за да се добие форма на пеперутки. Печете ги во загреана рерна на 175 степени додека поруменат.
Време потребно за подготовка: 80 минути
<< Сокриј го рецептот
Кокосови коцки со мармалад >
Сосотојки:
За колачот:
3 јајца
150g шеќер
100ml масло
100ml млеко
130g брашно
10g прашок за печиво
Прстофат сол
За чоколадниот прелив:
250g темно чоколадо
250g путер
200ml млеко
За декорација:
300g кокос
Упатства:
Одвојте ги жолчките од белките и изматете ги белките додека не добиете пенеста смеса.
Измешајте ги жолчките со маслото и шеќерот, па додадете го прашокот за печиво и постепено млекото.
Потоа додадете прстофат сол и полека измешајте ги белките со смесата од жолчки.
Прелијте ја смесата во плех обложен со хартија за печење и печете во загреана рерна 20 минути на 180 степени. Оставете колачот да се излачи половина час.
Оладениот колач поделете го на половина и внатрешниот дел намачкајте го со богат слој мармалад од јагоди/малини или друго црвено овошје. Преклопете со горниот дел и исечете коцки.
Стопете го чоколадото со путерот и млекото така што ќе добиете мазна смеса за фил.
Потопете ги коцките од сите страна, а потоа извалкајте ги во кокос.
Служете ги на собна температура.
Време потребно за подготовка: 80 минути
<< Сокриј го рецептот
Кокосови тартуфи со бадеми и бело чоколадо >
Сосотојки:
Производи:
За полнење:
100 гр рендан кокос
60 гр шеќер во прав
16 бадеми
100 гр рикота
За школка:
70 гр скршено бело чоколадо
3 лажици течен кондиторски крем (висок процент)
50 гр рендан кокос или по потреба за валање
Упатства:
За да го подготвите филот:
Во сад измешајте ги кокосот, шеќерот, рикота. Замесете мазно тесто. Поделете го на 16 делови. Секоја порција формирајте ја во топка. Притиснете по еден бадем во секое топче десно во центарот. Изладете ги топчињата во фрижидер 20 минути.
За да ја подготвите лушпата:
Чоколадото ставете го во тенџере за топење вода. Промешајте. Додека се растопи додадете го кремот. Мешајте додека не останат грутки. Тргнете од оган. Со помош на чепкалка за заби или ражен, секоја бонбона потопете ја во чоколадната смеса за да покрие насекаде. Обилно посипете ги со кокос или виткајте ги тартуфите.
Ставете ги тартуфите во фрижидер додека целосно да се изладат и да се стврдне чоколадото.
Време потребно за подготовка: 30 минути
<< Сокриј го рецептот
Колач - Медено срце >
Сосотојки:
1 шолја шеќер (со онаа со која ќе почнете да мерите, со таа продолжете (за кафе, млеко...))
2 шолји брашно
1 пакетче пециво
половина ќесиче цимет
3 лажици какао
3 лажици масло за јадење
5 лажици мармалад (или мед)
1 шолја кисела вода
1 пакетче ванилин шеќер (по желба)
(за глазура):
100 гр чоколадо за готвење
7 лажици масло за јадње
4 лажици вода
Упатства:
Во сад за матење ставајте ги состојките по напишаниот редослед. Треба да добиете густа и хомогена смеса. Ставете ја во тавче за печење малку намачкано со масло и брашно. Ставете да се пече во ладна рерна, на 230 целзиусови степени. За тоа време направете го преливот, така што во мало тенџерче ќе ги ставите сите состојки за глазурата и на пареа растопете ги. Глазурата прелијте ја врз испечениот колач.
Исечете на коцки и сервирајте.
Време потребно за подготовка: 50 минути
<< Сокриј го рецептот
