Гибаница Прикажи го рецептот >>

Гибаница >

Сосотојки:
500 грама Тенки кори 2 лажица/ци Сол 250 грама Крем - сирење 500 милилитри Јогурт 4 Јајца/це

Упатства:
Измешајте ги во еден сад сите состојки освен корите. Тавчето намачкајте го со зејтин и ставете една кора. Сите други кори, освен една која ќе ја оставите за најгоре, гужвајте ги, потопувајте ги во јајцата и редете ги во тавчето. Кога ќе ги наредите сите гужвани кори, истурете го остатокот од јајцата врз нив и ставете ја последната кора, во еден слој. Печете ја гибаницата во незагреана рерна на 220°C околу 25-30 минути.

Време потребно за подготовка: 40 минути

<< Сокриј го рецептот

Шпанска пита Прикажи го рецептот >>

Шпанска пита >

Сосотојки:
1 чаша јогурт,2 чаши брашно,1/2чаша зејтин,3јајца, 1 пециво, кисели крставички ситно сецкани, 100-150гр.сувомеснато исецкано на коцки, 150гр.кашкавал исто исецкан на коцки

Упатства:
Се матат сите состојки, ги додаваме краставичките,сувомеснатото и кашкавалот. Има доволно смеса за плех со 12 отвори(како за мафинс)секоја се премачкува со малку маргарин и се полни 3/4 од отворот

Време потребно за подготовка: 30 минути

<< Сокриј го рецептот

Пилешки прсти Прикажи го рецептот >>

Пилешки прсти >

Сосотојки:
1. 500гр пилешки гради 2. 120гр брашно 3. 120мл пиво 4. 4 јајца 5. сол 6. зејтин за пржење

Упатства:
Исечете го пилешкото на стапчиња со дебелина од 1см. Во подлабок сад изматете ги прво белките (како за торта), и потоа додадете ги жолчките кои претходно ги имате измешано со пивото и со брашното. Посолете по вкус. Смесата треба да биде густа како за палачинки. Во подлабок сад загрејте зејтин. Стапчињата валкајте ги прво во брашно, па во подготвената смеса и пржете ги додека не поруменат од двете страни. Откако ќе се испржат извадете ги на хартија да се впие вишокот зејтин. Сервирајте со тартар сос или со сос од сенф и мед.

Време потребно за подготовка: 45 минути

<< Сокриј го рецептот

Домашни лазањи Прикажи го рецептот >>

Домашни лазањи >

Сосотојки:
• 150 грама Путер • малку Оригано • 500 милилитри Млеко • 100 милилитри Масло • 1 Кромид/а • 200 грама Кашкавал • 20 милилитри Доматен сок • 100 грама Домат • 300 грама Говедско • 1 лажица/ци Дафинка • 30 грама Брашно • малку Сол • 500 грама Тенки кори • малку Црн пипер

Упатства:
Главицата кромид ситно ја сецкаме и ја пржиме во тава на оган со загреано масло. Откако кромидот ќе омекне, во тавата го додаваме меленото месо и промешуваме. Во тенџере на оган со растопен путер го додаваме брашното и мешаме со лажица. Мешајќи со лажица во тенџерето го додаваме млекото. Доматот го сечкаме на парчиња и го додаваме во тавата на оган. Зачинуваме со вегета, го додаваме ориганото, посолуваме, наросуваме мелен црн пипер и промешуваме. Откако бешамелот ќе ја добие потребната густина, го додаваме во тавата со месото на оган и промешуваме. Корите ги сечеме на парчиња и ги разлистуваме. Дел од корите ставаме во намрсена тава. Врз корите со лажица ставаме од филот со меленото месо. Врз филот нанесуваме од доматниот сос. Врз сосот ги ставаме преостанатите кори. Врз корите го нанесуваме преостанатиот фил. Во тавата налеваме 100 мл. вода и ја протресуваме тавата. На ситно го рендаме кашкавалот. Изренданиот кашкавал го нанесуваме врз филот на тавата. Тавата ја ставаме во рерна и печеме 60-тина минути на температура од 200 степени. Потоа ги вадиме лазањите од рерната, ги оставаме да се оладат и послужуваме.

Време потребно за подготовка: 40 минути

<< Сокриј го рецептот

Лиснати соленки Прикажи го рецептот >>

Лиснати соленки >

Сосотојки:
- 500 гр. брашно - 1 лажиче сол - 1 жолчка - 1 и 1/2 филџан масло - 250 гр. ладна вода - 1 маргарин кристал

Упатства:
Се замесува тесто од 500 гр. брашно, 1 лажиче сол, 1 жолчка, 1 и 1/2 филџан масло, 250 гр. ладна вода. Напомена: Состојките треба да бидат точни во грамови. Се сучи кора на која се размачкува 1 маргарин кристал. Се сечи во круг, на подебела лента (четири прсти) и се дипли од почеток до крај да стане како правоаголник. Тестото се става 1 час во замрзнувач, или 4 часа во обичен фрижидер. Кога тестото убаво ќе се излади се сучи кора, се сечи во ленти и се витка во корички во кои се става сирење. Лиснатите соленки се премачкуваат со жолчка и им се става сусам.

Време потребно за подготовка: 120 минути

<< Сокриј го рецептот

Солени кекси со фил од сирење и туна Прикажи го рецептот >>

Солени кекси со фил од сирење и туна >

Сосотојки:
За кекси: - 230 грама брашно - 80 гр. маргарин - 1 лаж. сол - 1 жолчка - 2-3 лаж. ладна вода - 2 лаж. ситно исецкан рузмарин Фил од туна: - 180 гр. туна - 30 гр. маргарин - 3 лаж. мајонез - 1 кисела краставичка - 2 лаж. маслиново масло - 2 чешниња лук - сол, бибер Фил од сирење: - 200 гр. сирење - 1 лажица АБЦ намаз - сол - першун

Упатства:
Од сите состојки замесете меко тесто и оставете го во фрижидер околу половина час. Исукајте го тестото и извадете округли форми. Печете на температура од 200 степени. Кексите можат и вака да се грицкаат, а можете и да ги сервирате со фил од туна и сирење. Фил од сирење: Измешајте го сирењето со намазот, ставете зачини по желба. Фил од туна: Туната исцедете ја од водата и маслото, додајте ги сите останати состојки во блендер и добро измиксирајте. Украсете ги кексите со шприц за филување.

Време потребно за подготовка: 60 минути

<< Сокриј го рецептот

Брускети со спанаќ и сирење Прикажи го рецептот >>

Брускети со спанаќ и сирење >

Сосотојки:
француско лепче маслиново масло - 2 лажици спанаќ - 500 г сирење - 90 г меко ситно сечкани пиперки - 3 лажици

Упатства:
Исечете лепче на 24 тенки парчиња и намачкајте го од двете страни со маст. Наредете ги лепчињата во тава и печете ги 10 минути во загреана рерна. Оставете да се изладат и во тоа време измијте го спанаќот и оставете го во топла вода на неколку минути, за да омекне. Исцедете го и измијте го под ладна вода. Раширете го спанаќот врз фолија, за да формира правоаголник со димензии 25х20. Двата видови сирење изгмечете ги и распоредете ги одозгора, а врз нив додадете исечени пиперки. Завиткајте го добро ролатот со помош на фолијата. Исечете го на парчиња и сервирајте го врз брускетите. Пријатно!

Време потребно за подготовка: 50 минути

<< Сокриј го рецептот

Принцес компири Прикажи го рецептот >>

Принцес компири >

Сосотојки:
компири - 1 кг масло - 50 г кашкавал - 50 г јајца - 1 жолчки 2 сол брашно - 1 супена лажица

Упатства:
Сварете ги компирите и направете пире. Одделете ги жолчките и добро избијте ги во пирето, па додадете рендан кашкавал. Посолете по вкус, додадете го брашното, маслото и зачини по ваш избор. Треба да се добие тесто, кое може да се става во шприц, па директно на подмачкан плех. Печете ги додека не поцрвенат во загреана рерна. Принцес компирот може да го принесете како гарнир кон печено месо.

Време потребно за подготовка: 60 минути

<< Сокриј го рецептот

Сончоглед од спанаќ Прикажи го рецептот >>

Сончоглед од спанаќ >

Сосотојки:
За тесто: 500 гр. Брашно 90 мл. Маслиново масло 200 мл. Бело вино 2 лажички сол За фил: 350 гр. Спанаќ 350 гр. Изварка 1 јајце 100 гр. Рендан кашкавал 1 лажица презла Сол, бибер 1 јајце за премачкување Сусам

Упатства:
Спанаќот испржете го. Замесете тесто од состојките. Поделете го на два дела и оставете го да стои покриено додека не го подготвите филот. Измешајте ја изварката со спанаќот. Додадете јајце, сол и бибер, а потоа додадете го ренданиот кашкавал, па добро измешајте. Исукајте ги двете половини од тестото во кружен облик. На плехот за печење ставете хартија за печење и на неа ставете го исуканото тесто. Посолете го тестото со презла. Во средината ставете еден круг од филот (обликувајте го со поголема чаша. Остатокот од филот ставајте го во круг околу крајот на тестото. Рабовите на тестото премачкајте ги со јајце. Потоа над тестото и филот ставете го другото исукано тесто. Средината притиснете ја со истата чаша со која го оформивте филот. Исечете ги остатоците од тесто кои се вишок и со вилушка притиснете ги двете теста. Тргнете ја чашата од средината на тестото и со нож исечете парчиња со ширина од 3 cm. од кругот каде се наоѓа филот. Повторно ставете ја чашата во средината и секој пресечен дел завртете го за 90 степени. Извадете ја чашата и средниот дел премачкајте го со јајце и посолете го со сусам или средина од сончоглед. Печете околу 30 минути на температура од 180 степени. Ако сакате постапката на подготовка да ја погледнете низ слики, испратете барање на glaven.urednik@ringeraja.mk

Време потребно за подготовка: 80 минути

<< Сокриј го рецептот

Тробоен солен ролат Прикажи го рецептот >>

Тробоен солен ролат >

Сосотојки:
За ТЕСТО: 5 јајца 1/2 лажичка сол 5 лажици брашно 5 лажици зејтин 3 лажици кисела павлака 1 прашок за печиво 2-3 лажици ајвар 2-3 лажици обарен спанаќ За ФИЛ: 250 гр. павлака 85 гр. мајонез 200 гр. шунка 5-6 кисели краставички 100 гр. сирење

Упатства:
Изматете ги јајцата со половина лажичка сол за да добиете хомогена смеса и додајте ги останатите состојки. Поделете ја смесата на три еднакви делови. Во првиот дел додадете го ајварот и убаво измешајте да се соедини. Во вториот дел додадете го обарениот спанаќ и повторно убаво промешајте да се соедини. Со помош на кеси и додаток од кујнски шприц, редете ги смесите во тавата за печење наизменично. Печете околу 15 минути, во загреана рерна на 200 степени. Топлото тесто замотајте го во крпа како ролат. Исечкајте ги краставичките и шунката, издробете го сирењето и измешајте ги со павлаката и мајонезот. Убаво измешајте да се соединат и премачкајте го тестото. Замотајте го ролатот и оставете го да отстои за да се спои. Сечете парчиња со дебелина од 1 сантиметар и сервирајте.

Време потребно за подготовка: 60 минути

<< Сокриј го рецептот

Корнети од тесто со намаз од целер Прикажи го рецептот >>

Корнети од тесто со намаз од целер >

Сосотојки:
250 гр лиснато тесто 1 корен од целер со средна големина 200 мл кисела павлака сок од лимон сол, бибер 1 јајце, за премачкување сусам или ким, за посипување сецкан свеж власец

Упатства:
– Лиснатото тесто ставете го на набрашнета работна површина и развлечете го со сукало. – Со остар нож исечете го на ленти со широчина 1-1,5 см. – Лентите тесто намотајте ги на модли (ако немате модли направете фишеци од картон и обложете ги со алуминиумска фолија). Потоа наредете ги во тава и премачкајте ги со разматено јајце и посипете сусам или ким. – Ставете ги да се печат во загреана рерна на 220 целзиусови степени околу 15 минути или додека да добијат убава румена боја. – Печените корнети внимателно извадете ги од модлите и оставете ги да се изладат. – Излупете го целерот и ситно изрендајте го. Испрскајте го веднаш со сок од лимон за да не потемни. – Додадете ја киселата павлака и посипете со сол и бибер по вкус. Убаво измешајте и со оваа смеса наполнете ги корнетите од тесто. На крај посипете со сецкан свеж власец.

Време потребно за подготовка: 30 минути

<< Сокриј го рецептот

Полнети мекици со урда и кашкавал Прикажи го рецептот >>

Полнети мекици со урда и кашкавал >

Сосотојки:
3 кафени шолји брашно 1 кафена шолја кисело млеко 200 гр урда 150 гр кашкавал 2-3 чешниња лук (по желба) Половина кафена шолја шеќер Половина кафена шолја сол За пржење масло за готвење Половина кафена шолја сода бикарбона

Упатства:
Замесете ги киселото млеко, содата претходно измешана со оцет, шеќерот и додадете брашно, без да прекинувате да го мешате тестото. Кога маталката веќе не може да се справи со мешањето, поставете го добиентото тесто на работната површина, нанесете малку брашно и рачно замесете го целосно тестото. Потоа истото поставете го во сад претходно премачкан со масло и одогозора покријте со проѕирна фолија. Вака приготвено складирајте го тестото во ладилникот на 30 минути. Измешајте ја урдата со изренданиот кашкавал, додадете сол по вкус и лук по желба. Поделете го филот на 3-4 дела. Извадете го тестото од ладилникот, исто така поделете го на 3-4 дела и обликувајте тенки мекици. Поставете од филот врз секоја од мекиците и притиснете ги краевите, обликувајќи полнета мекица. Вака приготвените полнети мекици поставете ги да се пржат. Пржете и од двете страни, до добивање златно-кафеава боја.

Време потребно за подготовка: 60 минути

<< Сокриј го рецептот