Бебе

/11 /11

Оваа листа ќе ви помогне да се подготвите без паника и без да купувате непотребни работи. Овде се опфатени основните и најпотребни работи за првите 0–3 месеци од животот на твоето новороденче, сè што ќе ви помогне да се чувствувате сигурно, подготвено и спокојно.

1. Спиење и одмор

Новороденчињата спијат и по 16-18 часа на ден. Затоа, креирањето на безбеден и удобен простор за спиење е приоритет.

Основни работи:

• Креветче или колевка кое треба да биде стабилно и безбедно
• Тврд душек во точната големина за креветчето
• Навлаки за душек кои се препорачува да бидат водоотпорни
• Постелнина, 2–3 чаршави од 100% памук
• Вреќичка за спиење за бебиња бидејќи е побезбедна од ќебе
• Ноќно светло, за смирување и ритам

Избегнувајте перници, играчки и дебели ќебиња во креветчето. Тие претставуваат ризик за СИДС (синдром на ненадејна смрт кај новороденчиња).

2. Облека

Бебешката кожа е чувствителна, а бебињата често се менуваат по 2–3 пати дневно. Затоа е важно да имате доволно удобна и лесна облека. 

Минимален основен гардеробер:

• 5–7 бодиња со копчиња (со долги и кратки ракави)
• 4–6 пижами или едноделни комбинезони
• 3 капчиња (едно за излегување, едно тенко, едно топло)
• Чорапчиња и ракавици против гребење
• Едно меко ќебенце за носење
• Јакничка (по потреба – сезонски)

Избери облека од органски памук, без груби шевови или тешки апликации. Бебето нема потреба од модни детали. Се што му треба е само од удобност и топлина.

3. Хигиена и нега

Од првиот ден, потребна е соодветна нега. Тука не се бара луксуз, туку чистота, безбедност и едноставност.

Основна нега вклучува:

• Пелени (еднократни или платнени) – 10–12 дневно
• Влажни марамчиња без парфеми
• Крема за пеленската регија
• Када или анатомски подметнувач за бањање
• Мек пешкир со качулка
• Бебешки шампон/сапун со неутрален pH
• Четка за коса со меки влакна
• Ножички со заоблени врвови
• Комплет за нега (гребалка, термометар, аспиратор)

Дополнително:

• Газа за чистење очи и лице
• Физиолошки раствор (стерилен)

4. Хранење

Без разлика го дали доите или храните со адаптирано млеко вашето бебе, треба да сте подготвени.

Ако доите би треба:

• Перница за доење
• Подлоги за градници
• Градници без жица
• Пумпа за млеко (рачна или електрична – по избор)
• Садови за складирање млеко

Ако храните со формула ви треба:

• Шишенца (4–6) со разни големини
• Цуцли (со различен проток)
• Стерилизатор (електричен или за микробранова печка)
• Грејач за млеко (по избор)

За двајцата:

• Крпи или шамија за подригнување
• Чист сунѓер и течност за перење шишенца

5. Излегување и движење

И кога сте надвор, бебето треба да биде удобно, безбедно и блиску до вас.

Задолжително имајте:

• Автоседиште (0–13 кг), задолжително за излегување
• Количка со рамна површина за новороденчиња
• Торба за пелени со џебови и подлога за пресоблекување
• Марамчиња, резервна облека, шише и ќебе секогаш во торбата

6. Утеха и стимулација

Во првите месеци, бебето почнува да ги истражува боите, звуците и допирот. Не му требаат многу играчки, но неколку внимателно одбрани се добредојдени.

Препорачано:

• Цуцла (доколку ја прифаќа)
• Играчки за галење (со текстура, меки)
• Мобил над креветчето со бавни движења и музика
• Контрастна црно-бела книшка или картички
• Огледалце за бебе

Нема „совршена листа“ што важи за сите. Вашето бебе е уникатно, исто како и вие. Затоа почнете со основното. Следете го неговиот ритам. Ќе видите што му треба низ искуството. Најважното нешто што му треба на вашето бебе сте вие.