/11 /11

За никого не е тајна дека секое дете ја обожава баба си, дури и повеќе од мајка си. Тоа може и да ви навредува како родители, но признајте дека и вие имате слични чувства кон вашите баби. Еве 10 добри причини зошто баба е подобра од мама.

Баба готви подобро

Колку и да се вкусни на мама манџите, друго е баба да ти зготви. Дали затоа што има повеќе кулинарско искуство или пак бидејќи нејзиниот таен зачин е капка љубов, за никого не е тајна дека на баба јадењата се повкусни. А и покрај тоа баба нема ништо против да готви заедно со внуците и не и пречи кога во кујната ќе настане војна со брашно и јајца. Важно е децата да се среќни.

Баба има повеќе време за игра со внуците

Ако мама и тато вообичаено се зафатени, особено кога станува збор за игри, баба секогаш е расположена за игра. Никогаш нема да слушнете од баба:

    "Сега немам време, почекај малку."
    "Игри? Не ме замарај, оди играј си со сестра си! "
    "Не гледаш дека сум зафатен ?!"

И потоа се прашувате зошто немате спомен од детството со вашите родители, а се сеќавате на моментите со баба и дедо.
 

Баба е трпелива

Родителите секогаш брзаат и секогаш трчаат по некаков распоред. Додека бабите се секогаш подготвени да почекаат уште 5 мин детето да си поигра во паркот.

Баба е добар слушател

Додека кај мама важи правилото "Сето кажано може да се искористи против вас", бабите се прекрасни слушатели и никогаш нема да го натераат детето да жали што споделило нешто.


Баба не критикува

Родителите постојано наоѓаат за што да се расправаат со децата - собата не е суредена, алиштата не се наредени, креветот е намачкан со чоколадо. Додека баба е онаа која ќе ужива и поттикнува сè што детето направило, макар и по погрешен начин.

На баба може да се потприте за се

Баба е онаа која ќе помогне во тежок момент, која ќе ги разбере проблемите на детето, која може да чува тајна.