/11 /11

На првиот ден од нејзиното враќање во факултетските клупи професорката на Американскиот Универзитет, Адриен Пин била соочена со дилемата да ги остави своите студенти и да се грижи за своето болно новороденче, или да го донесе бебето на работа. Таа ја избрала втората опција.

По повеќе од час време предавање, девојчето станало нервозно, па мајката во зела во прегратка и почнала да го дои пред 40-те студенти присутни на предавањето.

Утредента се соочила со остри реакции на студентите во својата електронска пошта, а добила повик и од еден новинар кој побарал интервју со неа за “деликатниот” и  “непријатен” инцидент.

“Ако сметав дека хранењето на болното дете е деликатен и непријатен чин, немаше да го направам тоа пред своите студенти. Минатата година го правев тоа со другото дете  во автобуси возови и авиони, на зафатените тротоари и убави ресторани, во телевизиските студија и пред големите конференции. Ако постоеше лесен начин да го прехранам своето бебе без да ја следам својата интуиција како мајка, која има примат над мојата омилена професија како антрополог, писател и солидарен работник, јас ќе го направев тоа. Но не постои.”- изјави професорката Адриен.

“Никогаш не сум била повеќе згрозена од Универзитетот. Како некој кој беше во таа училница, тврдам дека немаше ништо лошо во тоа што го направи професорката. Таа отпетла две копчиња, ја стави ќерка си под кошулата и ништо несоодветно не беше видено. Мислам дека не погреши ништо со тоа што го подои своето дете. Штета што нејзиниот углед е нарушен од страна на студентите.”- изјави студентка која присуствувала на наставата.

“Значи ова е приказната, интернет. Го хранев своето болно бебе на час по феминистичка антропологија без попречување на предавањето за да не морам да се откажам од првиот ден на класата студенти.

Се сомневам дека некој ја видел мојата брадавица, бидејќи сум прилично добра во нејзино прикривање. Но и да се случило тоа, сега знаат дека јас, универзитетски професор имам брадавица исто тако и нив. Или барем дека имам една”

Професор Адриен Пин