Тортиљи со пилешко месо Прикажи го рецептот >>

Тортиљи со пилешко месо >

Сосотојки:
Потребно е 1 пакување тортиљи 500 гр. пилешки гради 200 мл. кисела павлака 200 гр. кашкавал 200 гр. доматен сос оригано босилек сол бибер

Упатства:
Пилешкото месо исецкајте го на коцки и продинстајте. Кога ќе добиете златна боја, додадете го доматното пире, солта и зачините, промешајте па тргнете го од рингла. Додадете павлака и добро промешајте. На половина тортиља нанесете го пилешкото месо и сосот и ставете рендан кашкавал. Потоа тортиљите прицврстете ги со чечкалица. Печете во загреана рерна на 200 степени околу 10 минути. Наздравје!

Време потребно за подготовка: 60 минути

<< Сокриј го рецептот

Ќофтиња во доматен сос Прикажи го рецептот >>

Ќофтиња во доматен сос >

Сосотојки:
ПОТРЕБНИ СОСТОЈКИ: 500 г мелено месо 1 голема главица кромид Сол, црн пипер ? лажичка мелен ким ? лажичка мелена лут пипер (чили) ЗА СОС: 500 г доматен сос/ домати од конзерва 1 чешне лукче

Упатства:
ПОСТАПКА: Кромидот исечкајте го ситно или изрендајте го, па пропржете го на масло да стане стаклест. Во длабока чинија ставете го меленото месо, додадете го динстаниот кромид и зачините. Сето убаво изедначете и оставете половина час во фрижидер. Потоа обликувајте мали топчиња и пржете ги во загреано масло. Ќофтенцата вадете ги на чинија, а истото масло пропржете ситно сечкано лукче, додадете коријандер во зрно, мелена лута пиперка и сечкани домати од конзерва. Сето гответе го 10-тина минути додека да згусне сосот. Ставете ги ќофтињата во сосот и гответе уште неколку минути.

Време потребно за подготовка: 40 минути

<< Сокриј го рецептот

Ролат со пилешко месо и леб Прикажи го рецептот >>

Ролат со пилешко месо и леб >

Сосотојки:
Пилешки гради 400 гр брашно 400 грпрезла 4 јајца 200 мл масло за пржење 1 голем багет 10-12 парчиња моцарела 65 гр растопен путер 3 чешниња лук 1 лажица сечкан магдонос 1 лажица пармезан

Упатства:
Исечете ги пилешките гради на парчиња со дебелина од околу еден сантиметар. Убаво поминете ги во брашно, изматени јајца и презла. Парчињата пилешко месо испржете ги во врело масло додека да добијат златно-жолта боја. Багетот исечете го на три или четири еднакви делови, со големина на прженото пилешко. Од багетот извадете ја меката средина и внатре ставете ги парчињата пилешко кои сте ги замотале во моцарелата. Така подготвениот багет исечете го на парчиња широки околу 2,5 сантиметри. Преку лебот намачкајте сос од путер, магдонос, лук и пармезан. Замотајте ги парчињата багет во алуминиумска фолија и ставете да се пече во претходно загреана рерна на 180 степени околу 20 до 25 минути.

Време потребно за подготовка: 60 минути

<< Сокриј го рецептот

Француска пита со телешко месо Прикажи го рецептот >>

Француска пита со телешко месо >

Сосотојки:
лиснато тесто - 400 г месо - 400 г телешко + 200 гр свинско моркови - 1 парче кромид - 1 главица бело вино - 100 ml јајца - 2 парчиња павлака - 2 лажици лук - 1 чешне магдонос - ? китка сол - 2 штипки црн пипер - ? лажиче мелено

Упатства:
Морковите, лукот и кромидот се сечат на ситно. Магдоносот се сече на ситно. Во тенџере се мешаат двата вида месо, морковите, лукот, кромидот, 1 јајце, павлаката, виното, солта и црниот пипер. Тестото се сучи малку и се дели на два нееднакви дела. Поголемиот се става во сад намачкан со маст. Врз тестото се става филот и се покрива со останатото тесто. Краевите се стискаат и се мачкаат со жолчка. Печете 1 час на 180 степени.

Време потребно за подготовка: 50 минути

<< Сокриј го рецептот

Домашни кебапи со ајвар Прикажи го рецептот >>

Домашни кебапи со ајвар >

Сосотојки:
– 750 грама мелено јунешко месо – 400 грама мелено свинско месо – 1 главица и 4 чешниња лук – 2 лажички сода бикарбона – 1 лажица црвен пипер – 1 јајце – 150 милилитри кисела вода – маслиново масло – 1 главица кромид – 1 китка магдонос – 6 тортиљи

Упатства:
Во голем сад ставете го јунешкото и свинското месо, потоа излупете и исецкајте четири чешниња лук. Додајте ја сода-бикарбоната, пиперот и зачините. Додајте јајце и со раце измешајте ја смесата, а потоа сипете кисела вода, за сето тоа да се соедини. Месото поделете го на 10 или 12 делови, а потоа секој дел обликувајте го во форма на колбас т.е. ќебап – нека биде долг околу 10 сантиметри, а широк околу 2 сантиметри. Ставете ги ќебапите на подмачкана тепсија, прекријте ги со фолија и оставете ги во фрижидер да отстојат. Печете ги на скара, или во тава на шпорет на средна температура, не подолго од 15 минути (или додека не се готови). Џејми предлага да ги послужите на топли тортиљи, премачкани со ајвар.

Време потребно за подготовка: 70 минути

<< Сокриј го рецептот

Пилешки копани во сос од павлака Прикажи го рецептот >>

Пилешки копани во сос од павлака >

Сосотојки:
4 пилешки копани со подкопани 450 гр. кисела павлака 4-5 лици сенф малку лук масло сол 3-4 компири по желба

Упатства:
Во сад измешајте ја киселата павлака, сенф, малку масло, сол, бибер и рендан лук и добро измешајте. Копаните и подкопаните ставете ги во смесата и потоа ставете ги во намрсена тава. По желба додадете и компири исечени на парчиња. Тавата покријте ја со фолија и печете околу 50 минути на 200 степени. Потоа извадете ја фолијата и вратете ја тавата во рерна уште 10 минути. Пријатно!

Време потребно за подготовка: 100 минути

<< Сокриј го рецептот

Пирошки со пилешко месо Прикажи го рецептот >>

Пирошки со пилешко месо >

Сосотојки:
650 гр. брашно 1/2 лажичка прашок за пециво 1/2 лажичка сол 50 гр. шеќер 6 лажици вода ладна 220 гр. путер исечен на мали коцки 1 лажица павлака 1 жолчка Фил: 600 гр. пилешки гради исечени на мали коцки 100 гр. компир исецкан 100 гр. морков исецкан 100 гр. грашок 50 гр. суво грозје 1 кромид ситно исецкан 4 чешниња лук испасиран 2 лажички шеќер 2 лажици соја сос 50 мл. вода масло сол и бибер

Упатства:
Во тава додадете малку масло и пропржете ги лукот и кромидот. Додадете го пилешкото и продолжете со пржење додека да добие златно жолта боја. Потоа додадете компири, моркови, соја сос, сол и црн бибер. Добро измешајте ја смесата и продолжете со готвењето уште 2 минути. На крај додадете суво грозје, грашок и шеќер и гответе уште 2 минути. Одстранете ја тавата од рингла и оставете ја смесата да се излади. Во сад измешајте брашно, шеќер, прашок за пециво и сол. Потоа додадете путер и почнете со месење на тестото постепено додадавајќи вода. Откако тестото ќе се формира, разделете го на околу 15 топчиња и оставете го да отстои 30 минути. Со сукало развлечете го секое топче од тестото во форма на мини пица. Ставете на средина по 2-3 лажици од предходно подготвената смеса со пилешко месо. Преклопете го тестото на половина и добро притиснете ги рабовите за да се залепат. По желба можете и малку да ги подвиткате навнатре. Изматете една жолчка од јајце и една лажица павлака и со оваа смеса премачкајте ги пирошките. Ставете ги пирошките во тава и печете ги во предходно загреана рерна на 200 степени околу 20 минути, додека да добијат златно жолта боја. Послужете ги топли.

Време потребно за подготовка: 70 минути

<< Сокриј го рецептот

Печено јагнешко месо со компири Прикажи го рецептот >>

Печено јагнешко месо со компири >

Сосотојки:
Јагнешки бут Една дланка морска сол Пет чешниња лук Рузмарин Бибер 200 грама маслиново масло два килограми млади компири

Упатства:
Во добро измиеното јагнешко месо втријте ја морската сол и бибер, ставете од рузмаринот и замотајте го месото во фолија, а потоа оставете го да отстои во фрижидер неколку часа.Кога ќе го извадите од фрижидер, прелијте го со маслиново масло и ставете го во тава и во ладна рерна, која потоа треба да ја уклучите на 180 степени. На тој начин јагнешкото ќе се пече побавно и поради тоа ќе биде посочно.Печете го околу 60 минути, а потоа додадете малку вода и со маша свртете го да се испече рамномерно од сите страни. По 30 минути одново треба да го свртите и да го прелиете со сосот од печењето.Младите компири кратко обарете ги и ставете ги во тава за печење. Обарените компири ќе впијат малку масло и ќе бидат многу вкусни. Зависи од големината на компирите, но нив ќе треба да ги печете од 25 до 35 минути.Пред крај на печењето, додајте само ситно сецкан лук. По печењето на месото, ќе бидат потребни околу 15 минути јагнешкото да се опушти за да биде помеко и посочно. Потоа може да се сече. Добар апетит!

Време потребно за подготовка: 120 минути

<< Сокриј го рецептот

Пијана кокошка Прикажи го рецептот >>

Пијана кокошка >

Сосотојки:
Пиле од 1-1,5кг сол, црн бибер со масло 1 пиво компири моркови печурки по желба

Упатства:
Пиле од 1-1,5кг, се зачинува со мешан зачин,сол,црн бибер и се премачкува со масло.Се набодува на претходно измиено и исцистено(од лепенките) шише со пиво, отворено.Така се става на средина на тавата.Тавата ја полниме со сецкани(крупно) компири и моркови(може и печурки) Ги попрскуваме со масло,умерено ги зачинуваме со сол,мешан зачин,оригано и ги мешаме за да се изедначи зачинот Така приготвената тава ја печиме на 200 степени околи час и половина. Во текот на печењето не е потребно пилето да се завртува,тоа се пече рамномерно,исто така кога пивото ке почне да врие,постепено го натура пилето.Тоа добива сочен вкус. Кога е веке убаво заруменето,го вадиме од рерна,чекаме да се излади,за да му го отстраниме шишето и го подготвуваме за јадење.

Време потребно за подготовка: 120 минути

<< Сокриј го рецептот

Ролат – Добрата снаа Прикажи го рецептот >>

Ролат – Добрата снаа >

Сосотојки:
600 гр. Пилешки стек 400 гр. Спанаќ 5 јајца 400 гр. Сирење 1 с.л. брашно Сол Црвена пипер

Упатства:
Спанаќот се чисти и се бланшира. Се мешаат јајцата со сирењето, се додаваат 1-2 лажици брашно, а потоа и спанаќот. Се додаваат зачини. Пилешкиот стек се чука и на него се распоредува филот. Се витка во ролат и се става во намастена тава, а потоа се покрива со фолија. За да не се растури може да му се стават 1-2 чечкалици.

Време потребно за подготовка: 60 минути

<< Сокриј го рецептот

Телешки медаљони Прикажи го рецептот >>

Телешки медаљони >

Сосотојки:
- 1-1,5 кгр. телешко месо - маслиново масло - сол - суви зачини - лук - пченкарно брашно - црвена пипер - јајце - масло

Упатства:
Телешкото месо измијте го, исечете го и пресечете го на медаљони. Најдобро е да го подготвите од претходниот ден и да го оставите во маринада од маслиново масло, бибер, сол, сув зачин и лук во прав. Следниот ден секој медаљон ставете го во мешавина од пченично и пченкарно брашно, во кое има и една лажица црвена пипер.Потоа месото ставете го во јајце и презла и пржете во многу масло. Извадете ги медаљоните и оставете ги на хартија да се впие маснотијата.Служете со ладен сос направен од две лажици мајонез, две, две лажици кисела павлака, лажица сенф и лажица кечап Пријатно!

Време потребно за подготовка: 40 минути

<< Сокриј го рецептот

Пикантна пајка Прикажи го рецептот >>

Пикантна пајка >

Сосотојки:
2 кг пајка 250 гр.круши 250 гр.компот од кајсии 1 ч.л.црвен пипер 1 ч.л. мајчина душица 1 с.л.брашно пченкарно брашно 1 прстофат црн пипер 1 ч.л.сол

Упатства:
Посолете ја пајката (претходно исчистена) однадвор и одвнатре. Исцедете ги крушите и кајсиите и наполнете ја пајката со нив. Заврзете и ги нозете и крилата, посипете ја со црвен пипер и мајчина душица. Ставете малку вода во огноотпорен сад со капак и ставете ја пајката во него. Печете 1 1/2 часа во рерна на 225 С. Исечете ја готовата пајка на порции. Во маснотијата запржете брашно, додадете вода, сол и зачини и оставете да се згусне. Сервирајте како додаток.

Време потребно за подготовка: 150 минути

<< Сокриј го рецептот