Полнети компири со шунка Прикажи го рецептот >>

Полнети компири со шунка >

Сосотојки:
компири - 6 по - големи масло - 50 г + малку масло шунка - 300 г јајца - 3 сирење - 300 г кромид - 2 стапчиња пресен оригано кашкавал - 12 парчиња сол црн бибер

Упатства:
Измијте ги компирите и ставете ги да се варат околу 10 минути, колку само малку да омекнат. Изладете ги и ги исечете ги на половина. Извадете дел од внатрешноста.Зачинете со сол и црн бибер. Измешајте ги матените јајца со рендано сирење и поголемиот дел од шунката, исечкана ситно. Додадете ја внатрешноста од компирите, сечкан свеж кромид и малку оригано. Полнетите компири наредете ги во соодветна тава. Додадете малку вода и ставете ги да се печат. Извадете ги и покријте го секој компир со парче кашкавал, посипете со уште малку ситно сецкана шунка, малку оригано и запечете ги, додека кашкавалот се растопи.

Време потребно за подготовка: 60 минути

<< Сокриј го рецептот

Посни мафини од компир и овесни снегулки Прикажи го рецептот >>

Посни мафини од компир и овесни снегулки >

Сосотојки:
1 чаша овесни снегулки 1 чаша пченично брашно 1 лажиче прашок за печиво ? лажиче сода бикарбона 1 лажиче цимет ? лажиче индиско оревче ? чаша мелено ленено семе 1 чаша сварен и изгмечен сладок компир ? чаша кафеав шеќер 1/3 чаша маслиново масло ? чаша бадемово или соино млеко 1 чаша екстракт од ванила За одозгора ? чаша овесни снегулки ? чаша пченично брашно ? чаша шеќер 1 лажица маслиново масло 1 лажица екстракт од ванила

Упатства:
Вклучете ја рерната на 200 степени. Во голем сад измешајте ги сите суви состојки за мафини, додадете ги течните состојки и мешајте. Ставете ја смесата во калапи за мафини обложени со корпици и наполнете ? од корпиците. измешајте ги состојките за украсување на мафините одозгора. На врвот на мафините ставете по 1 лажиче од смесата.

Време потребно за подготовка: 40 минути

<< Сокриј го рецептот

Царска пита Прикажи го рецептот >>

Царска пита >

Сосотојки:
- 3 јајца - 1 чаша зејтин - 1 чаша јогурт - 2 чаши брашно - 1 прашок за пециво

Упатства:
Се мати и по желба се додава ситно сецкана шунка (или суво месо), дробено сирење, сецкан кашкавал, може и кисели краставички, печурки итн. Се прави комбинација на дополнителни состојки по желба. Се посолува и се посипува со оригано. Се пече на 200 степени додека не добие боја. Се послужува со јогурт, кисело млеко или павлака.

Време потребно за подготовка: 25 минути

<< Сокриј го рецептот

Сончоглед од спанаќ Прикажи го рецептот >>

Сончоглед од спанаќ >

Сосотојки:
За тесто: 500 гр. Брашно 90 мл. Маслиново масло 200 мл. Бело вино 2 лажички сол За фил: 350 гр. Спанаќ 350 гр. Изварка 1 јајце 100 гр. Рендан кашкавал 1 лажица презла Сол, бибер 1 јајце за премачкување Сусам

Упатства:
Спанаќот испржете го. Замесете тесто од состојките. Поделете го на два дела и оставете го да стои покриено додека не го подготвите филот. Измешајте ја изварката со спанаќот. Додадете јајце, сол и бибер, а потоа додадете го ренданиот кашкавал, па добро измешајте. Исукајте ги двете половини од тестото во кружен облик. На плехот за печење ставете хартија за печење и на неа ставете го исуканото тесто. Посолете го тестото со презла. Во средината ставете еден круг од филот (обликувајте го со поголема чаша. Остатокот од филот ставајте го во круг околу крајот на тестото. Рабовите на тестото премачкајте ги со јајце. Потоа над тестото и филот ставете го другото исукано тесто. Средината притиснете ја со истата чаша со која го оформивте филот. Исечете ги остатоците од тесто кои се вишок и со вилушка притиснете ги двете теста. Тргнете ја чашата од средината на тестото и со нож исечете парчиња со ширина од 3 cm. од кругот каде се наоѓа филот. Повторно ставете ја чашата во средината и секој пресечен дел завртете го за 90 степени. Извадете ја чашата и средниот дел премачкајте го со јајце и посолете го со сусам или средина од сончоглед. Печете околу 30 минути на температура од 180 степени. Ако сакате постапката на подготовка да ја погледнете низ слики, испратете барање на glaven.urednik@ringeraja.mk

Време потребно за подготовка: 80 минути

<< Сокриј го рецептот

Шарена солена торта Прикажи го рецептот >>

Шарена солена торта >

Сосотојки:
Тесто: 2 јајца 1 дцл. јогурт 1 дцл. масло 6 супени лажици брашно малку сол ? кесиќка прашок за печиво Фил: 600 гр. меко сирење 1 маргарин 1 чаша кисела павлака 400 гр. салама

Упатства:
Смесата за жолтото тесто истурете ја во подмачкан плех и печете околу 20 минути на 200 степени. Направете уште две теста со истите состојки со тоа што во едната смеса ќе додадете обарен, исецкан и исцеден спанаќ, а в другата две лажици ајвар или црвена пипер. Состојките од филот посолети ги и соединете ги. Филувајте најпрво на жолтата кора, па црвената, па зелената кора. Премачкајте со мешавина од павлака и сирење. Декорирсјте по сопствена желба и ставете ја тортата во фрижидер пред сервирање. Пријатно!

Време потребно за подготовка: 90 минути

<< Сокриј го рецептот

Фински пирошки со шунка Прикажи го рецептот >>

Фински пирошки со шунка >

Сосотојки:
За тесто брашно - 120 гр масло - 100 гр павлака - 2 супени лажици За фил шунка - 100 гр. сирење - 50 г Ементалер печурки - 100 гр. јајца - 2 парчиња брашно - 1 супена лажица бибер павлака - 1/2 чаша за чај

Упатства:
Од брашното, маслото и павлаката замесете меко тесто и оставете го околу 30 минути во фрижидер. Намачкајте ги со маргарин калапите за мафини и обложете по малку од тестото на калапите. Исечете ги шунката и сирењето на коцки и измешајте ги со печурките, јајцата, брашното, павлаката и биберот. Распределете го филит во сите калапи. Печете на 200 степени околу 20 минути

Време потребно за подготовка: 40 минути

<< Сокриј го рецептот

Солени кекси со фил од сирење и туна Прикажи го рецептот >>

Солени кекси со фил од сирење и туна >

Сосотојки:
За кекси: - 230 грама брашно - 80 гр. маргарин - 1 лаж. сол - 1 жолчка - 2-3 лаж. ладна вода - 2 лаж. ситно исецкан рузмарин Фил од туна: - 180 гр. туна - 30 гр. маргарин - 3 лаж. мајонез - 1 кисела краставичка - 2 лаж. маслиново масло - 2 чешниња лук - сол, бибер Фил од сирење: - 200 гр. сирење - 1 лажица АБЦ намаз - сол - першун

Упатства:
Од сите состојки замесете меко тесто и оставете го во фрижидер околу половина час. Исукајте го тестото и извадете округли форми. Печете на температура од 200 степени. Кексите можат и вака да се грицкаат, а можете и да ги сервирате со фил од туна и сирење. Фил од сирење: Измешајте го сирењето со намазот, ставете зачини по желба. Фил од туна: Туната исцедете ја од водата и маслото, додајте ги сите останати состојки во блендер и добро измиксирајте. Украсете ги кексите со шприц за филување.

Време потребно за подготовка: 60 минути

<< Сокриј го рецептот

Равиоли со мелено месо и АБЦ сирење Прикажи го рецептот >>

Равиоли со мелено месо и АБЦ сирење >

Сосотојки:
За тесто: - 300 гр. брашно - 2 јајца - малку сол - 3 лажици масло - 6-10 лажици млака вода Фил: - 250 гр. мелено месо - 1 главица лук - 2 лаж. масло - малку вегета - першун - АБЦ сирење

Упатства:
Замесете тесто од брашното, јајцата, додадете сол и млака вода колку што е потребно за да се добие меко тесто. Премачкајте го тестото со малку масло и оставете го да стои околу еден час. Динстајте го месото со наведените состојки и оставете го да се излади. Исукајте тесто, не премногу танко. Ако имате калап за равиоли, сечете го тестото со него, доколку немате извадете круг со чаша, ставете фил, преклопете и затворете ги краевите со вилушка. Варете 5 минути во врела вода. По желба може да ги прелиете со сос. Bon Appetit!

Време потребно за подготовка: 40 минути

<< Сокриј го рецептот

Брзи пирошки Прикажи го рецептот >>

Брзи пирошки >

Сосотојки:
- 300 гр бело сирење - 2 јајца - 2 дцл. јогурт - 1 прашок за печиво - 1 лажичка сол - 400-500 гр. брашно - масло за пржење

Упатства:
Издробете го сирењето, додадете ги јајцата и сите останати состојки. Замесете тесто со средна тврдина, исучете го со дебелина од еден прст, па исечете подебели и пошироки стапчиња. Пржете ги во масло додека не се зацрвенат. Оставете ги на хартија која впива мрснотија и послужете ги со јогурт.

Време потребно за подготовка: 60 минути

<< Сокриј го рецептот

Гибаници Прикажи го рецептот >>

Гибаници >

Сосотојки:
- 500 гр. сирење - 500 гр. кори за пита - 3 јајца - 1 дцл. масло - 0,5 дцл. млеко - 1 прашок за печиво - 3 лажици ајвар

Упатства:
Во сад ставете ги двете јајца, сирењето, млекото маслото и прашокот на печиво. Додадете сол и измешајте. Подготвената смеса поделете ја на два дела. Во едниот дел ставете ајвар и полека измешајте. На работната маса ставете поголемо парче фолија и над неа ставете две кори. Премачкајте ја со половината од филот со сирење и оставете ја настрана. Повторно ставете две кори на фолијата и премачкајте ги со останатиот фил со сирење. На почетокот на кората сега ставете го претходно направениот ролат. Сето заедно завиткајте го. Ставете повторно две кори и намачкајте ги со половина од филот од ајварот. Ставете го претходно завитканиот ролат над корите и повторно завиткајте. Сега добивте поголем ролат. Повторете ја постапката со остатокот од корите и филот. Подготвениот ролат ставете го во замрзнувач да се стегне. Извадете го и исечете го на парчиња со дебелина од 2 cm. Обложете го плехот со хартија за печење, ставете масло и ставете ги парчињата ролат. Одозгора премачкајте со изматено јајце. Печете на температура од 250 C.

Време потребно за подготовка: 80 минути

<< Сокриј го рецептот

Љубовен киш Прикажи го рецептот >>

Љубовен киш >

Сосотојки:
Тесто: 300 гр. брашно 139 гр. путер или маргарин 1 јајце 1/2 лажичка сол 4 лажици ладна вода Фил: 3 јајца 300 гр. сирење блитва Премаз: 1 жолчка 2 лажици млеко

Упатства:
Подготовка на тестото: Ставете го во сад брашното, солта и маргаринот, исечен на листови. Потоа додадете ја водата и јајцата и направете компактно тесто. Ставете го во фрижидер околу 30 минути. Подготовка на филот: Обарете ја блитвата и исцедете ја. Изматете ги јајцата и на таа маса додадете сирење и сецканата и цедена блитва. Изработка: Поделете го тестото на два дела. Работната маса посолете ја со брашно и на неа расукајте го првиот дел од тестото. Кората ставете ја во калапот каде ќе го печите тестото и отстранете го вишокот тесто. Другиот дел од тестото исукајте го во округла форма.На неколку места од тестото извадете со калап форми на срце. На првото тесто ставете го филот, а врз филот ставете го второто тесто. Премачкајте го кишот со жолчка разматена со млеко. Извадените форми на срца наредете ги на горниот дел и премачкајте ги со жолчка.

Време потребно за подготовка: 80 минути

<< Сокриј го рецептот

Солен колач Прикажи го рецептот >>

Солен колач >

Сосотојки:
5 јајца 5 лажици брашно, 1 пециво, 1 кисела павлака 1/2 маргарин 200 гр сирење 3 лажици к.павлака 150гр шунка, 150 гр кашкавал 200 гр мајонез кашкавал

Упатства:
5 јајца се матат убаво, се додаваат 5 лажици брашно, 1 пециво,и 1 кисела павлака. Смесата убаво се меша и се става во подмачкано тавче бр 26.Потоа се остава да се излади. Врз тестото се ставаат 2 фила. 1 фил 1/2 маргарин се мати,се додава 200 гр сирење, 3 лажици к.павлака.Се се меша и се става врз тестото.Над него се става вториот фил. 2 фил 150гр шунка,150 гр кашкавал се сецкаат на коцкички и се додава 200 гр мајонез. Одозгора се ренда кашкавал и се сече на парчиња.Може да го оставите малку во фрижидер да се стврдне пред да се послужи.

Време потребно за подготовка: 60 минути

<< Сокриј го рецептот