Во длабока тава додадете 3 лажици маслиново масло и путер. Потоа додадете го телешкото месо и сецканите кромид, лук и моркови. Додадете го копарот и целерот и пржете околу десет минути. Потоа додадете го магданосот. Додадете 2 лажички шеќер и 100 мл. бело вино. Покријте ја тавата и оставете да врие. Во меѓувреме изрендајте ги зрелите домати. Во нив ставете една чаша вода и ставете ги во тавата. Овој сос треба да се вари на тивко околу два часа. За подготовка на бешамел сос: во посебна тава се топи путерот и се става 1+1/2 лажица брашно. Откако ќе се испржи се додава 0,5 литри млеко. Варете го сосот 10-12 минути. Додадете морско оревче и бибер. Потоа се редат варените лазањи, се става сосот од месо, па бешамел сос и се така додека сите состојки не се потрошат. Садот со лазањите се става во рерна и се потпекува. Пријатно!