Претходно одмрзнатите и исчистени филети од ослич исечете ги на коцки. Компирот излупете го и исечете го на листови. Обилно подмачкајте ја тавата со масло и наредете еден слој компири и посолете ги. Над компирите ставете ја исечканата риба и кромидот, посолете и ставете масло. Одозгора ставете ги останатите компири. Четири лажици пченкарно брашно измешајте со вода за ја добиете смеса со густина како тесто за палачинки. Посолете ја смесата и прелијте ја мусаката. Печете во загреана рерна на 220 степени околу 35 минути, додека не добие заруменета коричка.