Прво пилешкиот стек со помош на остар нож го разлистуваме. Нежно, преку најлонска кеса го чукаме со чук за месо. Премачкуваме со сенф. Зачинуваме со сол и бибер. Во еден сад ги соединуваме сланината,кашкавалот и спанаќот. Промешуваме. Овој фил го нанесуваме рамномерно на пилешкиот стек. Завиткуваме во ролат. Ролатот го завиткуваме во фолија и го поставуваме во тава за печење. Налеваме околу 100 мл вода и малку масло. Печиме околу 25 минути на 200 степени. Потоа внимателно ја одстрануваме фолијата и печиме уште 10 минути. Оставаме малку да се излади, па сечеме на парчиња и сервираме.