/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Без разлика дали сте само патник во авионот или родител на бебе кое плаче во авион, воопшто не е пријатно. При полетување и слетување, бебето чувствува голема промена, особено во ушите поради притисокот, па затоа е сосема разбирливо за него да почне да плаче.

Постојат многу причини за ова.

Бебето не се чувствува пријатно, може да биде уморно, гладно, осамено. На некои бебиња дури и им е досадно. Сепак, постои посебно мислење на експертите дека клучот е непријатното чувство во ушите.

"Една од главните причини за плачење на бебето во авионот е недоволно развиеното изедначување на притисокот во средното уво. Кај бебињата, Евстахиевата цевка сеуште не се развила", посочи д-р Баер за порталот Live Science.

Евстахиевата цевка го контролира притисокот во средното уво изедначувајќи го со околниот. Претежно е затворена, а се отвора при при прозевање, голтање, џвакање, што овозможува да помине притисокот. Кога атмосферскиот притисок нагло се менува, се појавува чувство на блокада во увото.

Проблемот особено се појавува кога авионот ќе слета, затоа што е многу потешко да се изедначи кога се менува од низок на повисок атмосферски притисок.

Возрасните лесно го изедначуваат притисокот во ушите со прозевање, голтање или со постапка на ненадејно издишување додека носот и устата се затворени.

Кога полетува и слетува авионот, обидете се да го одржите бебето будно, оставете го да јаде во тие моменти. Ако бебето има инфекција на горниот респираторен систем, избегнувајте летање.

Важно е да се знае дека оваа болка кај бебињата е привремена, не може да создаде долготрајни проблеми и обично се смирува за неколку минути, кога притисокот ќе се изедначи.