/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Постојат грешки кои секоја мајка на прво бебе ги прави, но кои не се непоправливи. Видете кои се.

Не прифаќате помош

Кога една жена ќе стане за прв пат мајка, таа сака да даде сe од себе, за да се погрижи максимално добро за нејзиното бебе. Многу мајки се срамат да побараат помош од блиски и роднини не само за да докажат дека можат да се справат со мајчинството, но и за да не бидат прифатени како лоши мајки.
Ова дефинитивно не е правилно. Вие може да бидете одлична мајка, но ако сте уморни и нервозни, последиците ќе се негативни не само за вас, туку и за бебето. Прифаќањето на помош е еден  сосема нормален чекор.

Не се фокусирате на враќање во форма по породувањето

Вашето бебе е фасцинантно и вие не престанувате да бдите над неговиот кревет. Не заборавајте да го одделите потребното време за одмор, да консумирате важни витамини за периодот по раѓање, да се храните здраво и да земате доволно течности. За да се вратите во форма максимално брзо, треба да се негувате и себеси.

Плачете додека бебето плаче

Во првите недели на мајчинството, жената е под стрес и можно е да се појави и постпородилна депресија. Чест случај е мајките да плачат заедно со бебето. Во нивното тело сеуште хормоните се обидуваат да се регулираат, што е и причина за честата промена на расположението и излив на емоции. Сепак нивниот плач нема да се смири бебето.

Читате премногу стручни текстови

Сигурно имате купишта книги и читате информации на интернет, прифаќате совети од роднини, ваши блиски пријателки со деца и сте си подготвиле стратегија за хранење, повивање, бањање и т. н. на бебето.
Не заборавајте дека инстиктот  е најважен. Доверете се на внатрешното чувство на она што вашето бебе ќе покаже дека има потреба или не.

Не одделување никакво време за себе

Да бидеш мајка е една од најважните "професии" во светот, но не заборавајте да одделите исто така малку време и за себе. Спортувајте, отидете на козметичар, на масажа, видете се со пријателки или едноставно наспијте се. И за сето тоа не треба да чувствувате никаква вина.