/31 /11

Небојша Пешевски е професионален make-up артист, кој својата креативност ја изразува на многу различни начини во областа на шминкерската уметност. Неговиот стил на работа се карактеризира со оригиналност, екстравагантност и иновативност, односно желба секогаш да се вметне по нешто ново во неговите креации. Шминкањето го доживува како тип на уметничко изразување, а секоја креација - посебно уметничко дело, кое е резултат на моменталната инспиративност. Силните и моќни бои, хармонично вметнати во целокупната шминка, предизвикуваат атракција, воздишки и истакната сензуалност кај секоја жена, или, воопшто клиент. Неговото искуство брои голем број на ангажмани за фото сесии, модни ревии, јавни настапи специјални ефекти на филмска шминка.

На наше задоволство, Небојша ќе биде дел од рубриката Убавина и мода, каде што своите совети и искуства од областа на шминкерската уметност ќе ги споделува со нас.

За почеток предложи неколку совети за поубав изглед за време на новогодишните празници:

Како што се ближи прославата на новогодишната вечер и празниците што следат започнуваат и подготовките околу целокупниот изглед во кој доста важна улога игра шминката. 

Тука доаѓа до она двоумење - природен изглед или нападна шминка?

Одговорот е следен: кој избор и да го направите, нема да згрешите доколку биде во границите на умереноста.

Ако се решите за нападна шминка многу е важно како ќе биде нанесена, сепак станува збор за луда ноќ  во која шминката треба да го задржи својот првичен изглед. Доколку дојде до спротивното вашата шминка ќе добие изглед на лик од некој хорор филм. Суптилно при овој избор е да се користи фиксатор кој што ќе помогне во трајноста на шминката.

Вториот избор е изборот на природен изглед во кој се става акцент на благите нежни тонови, притоа и да дојде до разлевање, тоа нема да се примети што е доста голема предност при овој избор.