/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Совршениот појадок треба да се состои од протеини, овошје и цели житарици. Тоа е совршена комбинација, која долго ќе ви држи чувство на ситост, ќе ви осигура порција здрави нутритиенти доволни за поголемиот дел од  денот. За жал, повеќето луѓе веруваат дека вистинскиот појадок се состои од пециво, мафини или чинија житарици со млеко. Сите тие јадења само ќе го зголемат нивот на шеќер во крвта и ќе бидете гладни за многу брзо време. За стабилизација на шеќерот во крвта и за помала потреба од храна во текот на денот, повеќе внимание посветете му на појадокот.

За почеток, заменете ја утринската доза кафе со чаша зелен чај, бидејќи е докажано дека зелениот чај помага при губењето на килограми, а покрај тоа благотворно делува и на срцето. Истражувањата покажуваат дека една чаша зелен чај на ден го забрзува согорувањето на калории и го променува начинот на кој телото ги користи сопствените масти.

За појадок е најлесно е да ставите една рака житарици во чаша млеко. Вкусно е и не бара многу подготовка.

Влакната се исто така многу важни кога е појадокот во прашање, тие не заситуваат и го чистат нашиот организам. Тие се совршен продукт за губење на килограмите. Сепак, многумина од нас внесуваат многу помалку влакна од препорачаната доза. Само неколку залаци свежо јаболко, половина чаша свежи житарици, половина чаша боровинки или две парчиња 'ржан леб и подмирена е вашата потреба за калории.

Јогуртот спаѓа во најздравите продукти на светот и е одлична база за здрав појадок. Избегнувајте јогурт со овошни или други вкусови, изберете обичен јогурт, а овошјето свежо  додадете го сами.

И на крајот да разбиеме уште еден мит кога е во прашање појадокот. За појадок не морате да јадете храна која се подразбира како што се јајца, житарици, тост, мармалад. Наместо тоа, слободно  изедете  чинија топла супа, интегрални тестенини со сос, или нешто што ви останало од вечерата. Разбијте ги предрасудите за појадокот и слабејте.