/11 /11

За време на велигденските празници најчесто се вапсаат црвени јајца со лист од магдонос но, овој пат ви нудиме еден необичен и доста интересен начин како да го направите тоа поинаку, односно како да направите мозаик велигденски јајца. Декорирањето на овие велигденски јајца е многу забавно и веруваме дека и вашите деца ќе сакаат да се приклучат во овој направи сам проект!

Потребен материјал за овој направи сам велигденски проект:

• тврдо варени јајца (бели)
• фарба за јајца
• лепило
• четка за боење

Инструкции:

1. Сварете најмалку 8 бели јајца;
2. Половина од јајцата тргнете ги на страна;
3. Во еден сад помешајте 230 милилитри вода со 60 милилитри оцет и фарба за јајца. Извапсајте 4 јајца во боја по ваш избор;
4. Сега искршете и излупите 2 фарбани и 2 не фарбани јајца. Кога ќе ги лупите јајцата внимавајте да имате лушпи со различни големини кои потоа ќе ги лепите на останатите јајца;
5. Користејќи четка за боење и лепило, нежно залепете ги лушпите на преостанатите 4 јајца. Фарбаните лушпи залепете ги на не фарбаните јајца и обратно – не фарбаните лушпи залепете ги на фарбаните јајца.